至尊重慶雞煲 (創興廣場)

營業中

休息中

前幾日約咗個好耐冇見嘅朋友一齊食dinner，難得一見梗係想傾耐啲，於是就去咗呢間旺角創興中心嘅至尊重慶雞煲。我哋大概六點左右去到，未算好多人，所以都好好彩坐到靠窗嘅卡位。雖然得兩個人，但張枱都好大張，塊玻璃窗又超大，一路望住街景一路食真係好舒服。本身因為朋友怕辣所以雞煲我哋揀咗半隻中辣。結果食落覺得啲汁嘅甜味同辣味平衡的好好，連唔太食得辣嘅friend都食得好開心。而啲雞肉都畀得唔少，我哋兩個人清完啲雞已經成隻碟都係雞骨，真係超滿足。餐廳嘅指引係食完雞放花膠、水魷魚、牛柏葉，最後再落湯。水魷魚同牛柏葉都好快熟而且非常入味，真係冇教錯！任食嘅火鍋配料都有好多，有菜，響鈴啊豬牛羊呢啲當然唔少得。不過其實食完雞同埋啲牛柏葉嗰啲我哋都有啲飽，火鍋配料都唔係食咗好多。最後再加埋個紅薯粉同公仔麵，同個湯底好夾。飲品都係任飲嘅，飲返杯茶解解膩先。仲有雪糕，不過太飽啦冇食到。