回到味來 (已結業)

有啲人打邊爐鍾意食任食，但係既然要食間間唔中都應該食得好啲，今次呢就試咗呢一間係旺角新城嘅雞煲火鍋專門店。係旺角既話，我覺得樓上店會比較好坐，靜中帶旺，唔使行到好遠，又坐得舒服啲，食都開心啲。同朋友得兩個人，叫咗半隻雞嘅麻辣雞煲，非常足料，未開始打邊爐已經食到有少少飽啦，而且啲雞好滑，加埋小辣岩岩好已經非常好味。呢間餐廳係旺角同油麻地中間，地理位置好好。嗰日嚟食嘅時候，轉彎嗰邊，有兩張大枱，加埋坐到成20個人，可以同親友一邊打邊爐一邊暢所欲言，所以原來一大班人嚟食都幾合適喎。