金啫の鍋 (已結業)

今晚我去咗油麻地食雞煲 佢係倫歌私房菜及旗下嘅雞煲餐廳 佢係一間好高質嘅雞煲放題 所以今次我率先去咗呢間雞煲店 超正喎 每一樣嘢食質素都好高 首先我要講一講食雞煲最怕就係味精重 食過好多間都超重味精返到屋企勁口乾 但今次就完全冇呢個問題 一開始佢會俾你揀原創雞煲或者阿麻雞煲 我哋就揀咗佢哋推介嘅原創雞煲 佢啲雞肉差唔多全部都係雞脾肉 所以我食既每一舊都好滑 我哋就揀咗小辣然後雞煲上邊仲可以加配料有蟹 蝦 鮑魚同埋蟶子我地就揀咗蟶子啦 佢差唔多有五至六隻蟶子我哋兩個人 所以其實都幾抵 佢而家新開張仲有個遊戲就係雙手捉蜆 你攞到幾多嗰啲就係屬於你 有得食又有得玩 過癮佢哋係自助形式所以你可以見到雪櫃有好多種唔同款嘅嘢食 你哋可以食完雞煲自己攞 佢哋嘅牛肉仲係可以任攞添 咁當然仲唔少得打邊爐一般有嘅腸仔 菜籃 我見到仲有雞子海帶粉絲等等同埋佢哋嘅嘢飲都勁多款揀囉 仲有中學時期中意飲嘅jolly sandy 而且啤酒都係任飲架 我誠意推介大家去呢一間咁高質素嘅雞煲打邊爐😋