彩興來來火鍋 (已結業)

將軍澳想食中菜或者打邊爐真係來來去去都係嗰幾間大集團，質素都係一般，聽啲鄰居介紹呢間餐廳有得食雞煲同打邊爐，佢哋試過話唔錯，所以上星期我哋1家三口都去試下上到去見到地方唔算好大，不過大約七點半已經差不多滿座，原來口碑真係好緊要，見到價錢係比大集團個d任食邊爐貴，但係望見隔離枱啲食材都好新鮮，我哋都好放心點下啲唔同嘅食物。我哋叫咗個花膠雞湯底，唔好聽到花膠以為好貴，半隻雞計$200有找，店員會先幫我地將啲雞炒熟，再倒入雞湯。先飲兩啖湯個湯底好濃郁好好飲，食下啲雞好嫩滑，仲有幾塊大花膠補充膠質，我哋女士們嘅恩物打邊爐一定要食牛，不過老公鍾意食牛脷多個牛肉，牛脷切得好薄好有口感，小朋友就最鍾意食滑牛，就算滾內左肉質依然唔會變得好鞋口，味道好好叫咗手打丸拼盤，蝦丸同埋墨魚丸都好彈牙好有鮮味，牛丸同埋鯪魚丸好特別，我老公好鐘意·小朋友鍾意食魚片頭但估唔到份量咁多，好重魚味口感好彈牙，好好味，小朋友一次過食咗五至六粒最後叫咗個蔬菜拼盤乜都有唔使煩，其實如果比較喺銅鑼灣食同樣食物，宜家呢個價錢其實唔算好貴，但食物質素非常好，好開心將軍澳區終於有間高質素嘅打邊爐，下次一定要再試吓其他嘢。