醉胡爐 (已搬遷) 新店位置

✨胡椒豬肚花膠雞鍋湯底鮮甜 胡椒味濃但唔會嗆 容易入口豬肚爽滑 花膠彈牙 雞件鮮嫩有淡淡雞味打邊爐之前記得飲番碗先✨手切頂級安格斯肥牛安格斯肥牛 都幾厚切 油花幾靚肉質鮮嫩 肉味濃 味道甘香✨醉胡爐五寶丸一次過可以試晒幾款 有五款手打丸 包括有黑松露墨魚丸 手打墨魚丸 芝心蝦丸 梅菜豬肉丸 手打香茜炸菜牛丸當中蝦丸同墨魚丸鮮味彈牙梅菜豬肉丸配搭幾特別 值得一試✨醉胡爐五寶餃有五款餃 包括手工雲吞 黑松露蟹肉餃香茜豚肉餃 自家製韮菜餃等五款都皮薄 餡料飽滿足料當中個人最鐘意係黑松露餃同雲吞前者黑松露味道香濃突出後者蝦鮮爽脆 肉香多汁 唔錯✨蔬菜拼盤有多款蔬菜 包括生菜 娃娃菜 白菜仔等 全部都好新鮮✨泰式無骨鳳爪無骨鳳爪好爽口 啖啖肉食得好方便味道酸酸地 好清爽醒胃總結：食物唔錯 配料幾高質環境唔錯 除咗一般座位 仲有多個包廂 私隱度高服務唔錯 價錢合理 絕對有下次