Steak Bar (已結業)

終於黎食牛，呢到出名吉列牛，不過今次想食扒就無叫到，服務相當好，待應慢慢介紹菜單等你慢慢揀，仲有好多酒揀，不過自己少飲酒就無叫到，今次叫左兩個套餐，連埋加一，每人平均$260。頂級板腱牛扒 $215套餐包前菜，沙律同飯，前菜係芝麻醬豆腐，豆腐夠滑口。沙律正常菜夠新鮮爽口。飯會有拌飯粉紫菜芝麻配埋，增加口感之餘又增加香口，即刻將個飯昇華。板腱就姐牛嘅膀頭位，油脂比較少。成塊好厚身，根就有少少，但肉質淋身，牛肉味濃。澳洲黑毛安格斯西冷 $258西冷就相對大塊好多，肉汁好多，叫五成煮得岩岩好，味道更出更好味。真心推介食西冷。