影片
更多
2024-09-08
3124 瀏覽
今日喺北角試吓搭船過海遊船河，落船行兩步就開始肚餓，見到有等商業大廈樓下好似有嘢食，就行過去睇吓。今晚見到呢間餐廳入口幾grand，所以就盲舂舂衝上去試吓。上到去餐廳都幾大，裝修好精美，有啲好chill嘅感覺，出面仲有個草地仔，不過可惜佢嗰日好似搭緊嘢整緊活動，冇得行出去睇吓。坐低之後職員好快就遞上餐牌同埋水，好貼心。望吓餐牌，原來餐廳係主打西式嘅食品，仲有啲串燒同埋特飲。同朋友諗咗陣，我就決定食all day Breakfast，而朋友就食煎牛扒。見到有串燒我哋都加咗燒白鱔同埋燒五花肉。亦都叫咗佢哋嘅Dirty同埋梳打特飲。餐湯好快就到咗，係忌廉粟米湯。個忌廉粟米湯夠晒熱，唔會好似有啲餐廳咁樣，出到嚟凍咗變咗好似gel咁嘅形狀。飲落去都好夠味，唔會太漏。總括都唔錯。之後牛扒好快就到咗。個牛扒擺盤好有心思，用啲蔬菜墊起個牛扒，等牛扒唔會黐住隻碟同埋浸住啲汁。播牛扒肉質好腍亦都無筋，佢表面亦都知道有香脆嘅感覺，配上白菌汁好惹味。牛扒唔會太熟，亦都唔會紅到係咁流血水，掌控一流。唯一有少少美中不足，就係如果連啲菜都可以煎吓，就會更香。朋友亦都加咗一個雞皮餃子，一開始唔知係咩嚟，原來係將啲肉羊
上到去餐廳都幾大，裝修好精美，有啲好chill嘅感覺，出面仲有個草地仔，不過可惜佢嗰日好似搭緊嘢整緊活動，冇得行出去睇吓。
坐低之後職員好快就遞上餐牌同埋水，好貼心。望吓餐牌，原來餐廳係主打西式嘅食品，仲有啲串燒同埋特飲。同朋友諗咗陣，我就決定食all day Breakfast，而朋友就食煎牛扒。見到有串燒我哋都加咗燒白鱔同埋燒五花肉。亦都叫咗佢哋嘅Dirty同埋梳打特飲。
餐湯好快就到咗，係忌廉粟米湯。個忌廉粟米湯夠晒熱，唔會好似有啲餐廳咁樣，出到嚟凍咗變咗好似gel咁嘅形狀。飲落去都好夠味，唔會太漏。總括都唔錯。之後牛扒好快就到咗。個牛扒擺盤好有心思，用啲蔬菜墊起個牛扒，等牛扒唔會黐住隻碟同埋浸住啲汁。
播牛扒肉質好腍亦都無筋，佢表面亦都知道有香脆嘅感覺，配上白菌汁好惹味。牛扒唔會太熟，亦都唔會紅到係咁流血水，掌控一流。唯一有少少美中不足，就係如果連啲菜都可以煎吓，就會更香。朋友亦都加咗一個雞皮餃子，一開始唔知係咩嚟，原來係將啲肉羊咗喺個雞皮入邊再煎脆雞皮，第一次食感覺好正，佢煎完之後釀入去嘅肉亦都保持到佢嘅肉汁，好食！
之後就到all day Breakfast，一上到嚟真係打卡一流，勁豐富，有牛角包，煙肉，火腿，茄汁豆，煙三文魚，腸仔，炒蘑菇，菜沙律，炒蛋同埋薯餅。牛角包上到枱之後好軟熟，亦都感覺到佢嘅心思，唔會將啲濕嘅嘢食擺喺牛角包隔離浸軟牛角包。薯餅炸到好香脆，又唔會太油，加埋佢個煙肉同火腿一齊食，真係好正。佢個炒蘑菇，亦都炒到好乾身，配上適當嘅調味，亦都值得一讚。菜都好新鮮，煙三文魚，腸仔同茄汁豆就正常發揮。個份量同質素完全對得住個價錢。
最後就係佢嘅串燒啦。白鱔上到枱已經見到好香脆，個皮咬落去chok chok聲，而白鱔嘅肉亦都好彈牙，真係冇得挑剔。而佢嘅燒五花，亦都將佢嘅肥膏燒到好香脆，入口唔會好漏。真係估唔到一間食西餐嘅餐廳串燒都咁好食。如果佢啲串燒配埋啤酒，真係會食到唔捨得走。
佢哋Dirty奶味好重，飲得出去落鮮奶整而唔係開奶精，而佢嘅梳打亦都好開胃，酸酸甜甜，加埋蝶豆花嘅藍色，睇得又飲得。
總結就係呢一間盲舂舂沖上去餐廳，性價比極高，有裝修，有食品，有質素，如果近啲地鐵站可能更好。不過亦都好有緣，落船行兩步就見到呢間餐廳。下次去附近，即使唔係搭船，都可能會行出海旁再幫襯！
張貼
