影片
更多
2022-09-09
1096 瀏覽
每個月一次既姊妹聚會，今日揀左好出名既韓國餐廳，我地兩個都冇食過，今次好好彩俾我地約到。呢度裝修雖然簡約，但原來花左唔少心思，櫈底可以收埋個袋，唔怕吸左啲油煙味，每一枱都有抽油煙機，枱夠大，放到成枱餸都夠位。我地叫左濟州五花肉，海鮮泡菜餅，牛排骨湯同甜品Bingsu，我地兩個都食到好飽。因為除左自己點既食物之外，仲可以任食蛋同前菜。免費任食既沙律吧-其實係韓式前菜吧先啱，淨係泡菜都有兩款，另外仲有涼拌芽菜，醃白蘿蔔，仲有韓國生菜用黎包住啲燒肉食既。調味料都係自助，有多款選擇。爐邊有兩格倒上蛋汁，蛋有三個食法，可以淨落蛋汁，可以加芝士，仲可以落泡菜做泡菜蛋，另外一隔係放蒜片，啲五花肉燒緊嗰陣流左啲豬油落去，勁香口。濟州五花肉-韓式燒肉我自己一向鍾情五花豬肉，燒到金黃色，再沾少少韓國麵豉醬，再加埋泡菜同蒜片，用生菜包住黎食，勁有韓國feel。海鮮泡菜餅-好好食，啖啖海鮮又足料，仲要係脆邊架，記住要趁熱食。牛排骨湯-材料非常簡單，只有牛排骨，蔥同粗粉絲，個湯望落清清地，但飲落一啲都唔清，仲有淡淡胡椒味，好暖胃。Bingsu-呢個係韓色雪花冰，用左滑滑既牛奶棉棉冰做底，上面灑上綠豆粉，煙韌既麻
呢度裝修雖然簡約，但原來花左唔少心思，櫈底可以收埋個袋，唔怕吸左啲油煙味，每一枱都有抽油煙機，枱夠大，放到成枱餸都夠位。
我地叫左濟州五花肉，海鮮泡菜餅，牛排骨湯同甜品Bingsu，我地兩個都食到好飽。因為除左自己點既食物之外，仲可以任食蛋同前菜。
免費任食既沙律吧-其實係韓式前菜吧先啱，淨係泡菜都有兩款，另外仲有涼拌芽菜，醃白蘿蔔，仲有韓國生菜用黎包住啲燒肉食既。調味料都係自助，有多款選擇。
爐邊有兩格倒上蛋汁，蛋有三個食法，可以淨落蛋汁，可以加芝士，仲可以落泡菜做泡菜蛋，另外一隔係放蒜片，啲五花肉燒緊嗰陣流左啲豬油落去，勁香口。
濟州五花肉-韓式燒肉我自己一向鍾情五花豬肉，燒到金黃色，再沾少少韓國麵豉醬，再加埋泡菜同蒜片，用生菜包住黎食，勁有韓國feel。
海鮮泡菜餅-好好食，啖啖海鮮又足料，仲要係脆邊架，記住要趁熱食。
牛排骨湯-材料非常簡單，只有牛排骨，蔥同粗粉絲，個湯望落清清地，但飲落一啲都唔清，仲有淡淡胡椒味，好暖胃。
Bingsu-呢個係韓色雪花冰，用左滑滑既牛奶棉棉冰做底，上面灑上綠豆粉，煙韌既麻薯粒，脆脆既granola，杏仁片同紅豆，我自己非常鍾意呢個，連員工都話好食。
張貼
