高麗軒韓國料理 (已結業)

天氣開始凍凍哋，嚟到金巴利道嘅高麗軒韓國料理食韓國 🇰🇷燒烤，即刻暖笠笠🤩呢度除咗肉類之外，仲有前菜、海鮮、同各式各樣嘅韓國料理，例如湯品同石鍋飯，仲可以加 $38 升級，有埋3A雪花牛、Prime雪花牛同帆立貝。飲品方面有唔同嘅罐裝汽水同韓式飲品，大滿足呀😌食物都好高質，五花腩嘅肥瘦適中，雪花牛柔軟多汁，牛肉味香濃。而羊架脂肪同肉比例均勻，口感豐富，忍唔住再追加🤤🤤我哋叫咗份生菜包住肉食，味道啱啱好，唔會有油膩嘅感覺！而且上菜速度都算快，可以 用 qr code 落單，可以選擇半份或者一份，唔使擔心點得太多食唔晒呀😋