炑八韓烤 (已結業)

同屋企人生日想食韓燒，咁食好少少，訂位食韓牛！呢間有少少難搵，係眾安街要搵番岩大廈搭lift上。本來我喉嚨痛，所以專登叫左碟粉絲，打算食少d熱氣野，點知都係忍唔到口，無戒口。碟粉絲我都食過兩次，so far都幾滿足。同Hungry Korean有d相似，無話好惹味好香，不過夠大碟，呢度又多肉d。然後望著大家燒野食。蔬菜麻麻地，大魷魚唔錯，牛肉出色！我最欣賞呢碟牛，有電視節目中講的韓牛症書，睇相中的認定証，唔睇唔覺，原來自己食緊的係2004年係濟洲島出世的牛。每啖都好正，得閒一定會再食！