影片
更多
2018-09-20
386 瀏覽
我係食肉獸中嘅牛魔王！韓燒？我ike！但唔會去食放題，原因好簡單（一）食得唔多，2round就完事 （二）CP值低，晚市放題平均$250，如果二人同行嘅話要$500以上，相對放題啲低級凍肉，$500 足以食到優質牛肉！麻蒲BBQ 嘅套餐係近期嘅推介！SS5 皇牌2人套餐 - 牛 + 豬肉套餐，有牛肋骨，霜降韓牛，護心肉，大海蝦，年糕，雜菌，豬肉香腸，4件火炙霜降牛肉壽司，部隊鍋一個，兩杯非酒精飲品，仲有甜品雪花冰一客。睇見都心郁郁！等我一一介紹！主角未上，配菜先嚟 - 泡菜款式繁多，有辣泡菜、醋醃蘿蔔片、海帶、洋蔥、芽菜泡菜、雜菜沙律，泡菜同埋生菜係可以無限添加。鍋邊仲有泡菜蛋，餸飯一流！霜降韓牛壽司 - 即場响你隔離燒俾你嚟，半熟韓牛香嫰可口，淋上麻醬，香到不得了！牛肋骨，護心肉都係醃漬肉，醬料甜甜地好入味，唔駛再點醬料，直接包菜食就最好喇！霜降韓牛比和牛少啲油，牛味重啲，相對又有咬口啲，4大片食得好滿足！大海蝦以為霉霉地，點知入口彈牙，蝦肉結實，意外驚喜。部隊鍋有拉麵，香腸，午餐肉，年糕片，仲有五花腩肉，好有飽足感，只可惜部隊鍋冇咗靈魂泡菜，要扣分喇！飲品揀咗金桔青檸果醋，有化解
麻蒲BBQ 嘅套餐係近期嘅推介！
SS5 皇牌2人套餐 - 牛 + 豬肉套餐，有牛肋骨，霜降韓牛，護心肉，大海蝦，年糕，雜菌，豬肉香腸，4件火炙霜降牛肉壽司，部隊鍋一個，兩杯非酒精飲品，仲有甜品雪花冰一客。睇見都心郁郁！等我一一介紹！
主角未上，配菜先嚟 - 泡菜款式繁多，有辣泡菜、醋醃蘿蔔片、海帶、洋蔥、芽菜泡菜、雜菜沙律，泡菜同埋生菜係可以無限添加。鍋邊仲有泡菜蛋，餸飯一流！
霜降韓牛壽司 - 即場响你隔離燒俾你嚟，半熟韓牛香嫰可口，淋上麻醬，香到不得了！
牛肋骨，護心肉都係醃漬肉，醬料甜甜地好入味，唔駛再點醬料，直接包菜食就最好喇！
霜降韓牛比和牛少啲油，牛味重啲，相對又有咬口啲，4大片食得好滿足！
大海蝦以為霉霉地，點知入口彈牙，蝦肉結實，意外驚喜。
部隊鍋有拉麵，香腸，午餐肉，年糕片，仲有五花腩肉，好有飽足感，只可惜部隊鍋冇咗靈魂泡菜，要扣分喇！
飲品揀咗金桔青檸果醋，有化解油膩之效！
最後係甜品紅豆黃豆粉雪花冰，雪花冰底係牛奶味，刨到初雪咁細入口即溶，黃豆粉有提味作用，而紅豆就增添甜味，成個甜品一字記之
享受完個套餐，飽肚度/滿足度絕對比放題高！以後你識揀啦！
60 瀏覽
0 讚好
0 留言
43 瀏覽
0 讚好
0 留言
33 瀏覽
0 讚好
0 留言
39 瀏覽
0 讚好
0 留言
29 瀏覽
0 讚好
0 留言
27 瀏覽
0 讚好
0 留言
33 瀏覽
0 讚好
0 留言
張貼
