新麻蒲 BBQ (形點) (已結業)

而家食韓燒嘅話新麻蒲bbq都係我通常嘅選擇 因為佢價錢唔貴而且食物質素唔錯 今日就一行三人嚟咗食個午餐 其實都知道佢係做緊午餐買三送一所以特登嚟食我哋要咗兩個燒烤套餐之後要咗一個烤豬肉配水冷麵以及牛排骨肉湯食得韓式餐一定都唔會覺得意外就係有好多前菜 泡菜 海帶 大豆芽同埋一個沙律之後烤肉拼盤真係好好味 冇醃製過嘅食得出非常明顯嘅牛肉味 其他醃製咗嘅我都好鍾意因為個味道調得好好味 另外仲有燒大菇,金菇同雞髀菇 出奇地雞髀菇燒出嚟好多汁可能因為朋友有加少少水去烤烤肉配水冷麵都唔錯 份量好多起碼有十片以上豬肉片 水冷麵個份量係三個人食都夠 而且係非常冰涼呢度係會有醋同埋芥辣比你自己調味 烤肉過後再配過冰涼嘅水冷面真係一流個牛排骨肉湯都係令我哋非常滿意入面嘅牛排骨除咗多之外而且啲肉係一啲都唔會鞋 好有牛肉味道佢係湯嘅形式 飲起嚟就好舒服可以解到肉嘅膩 個湯裏面仲會有啲韓式粉絲 吸晒牛肉湯嘅味道非常之好食 最後加埋個紫菜湯落湯當湯飯食 一流