影片
更多
2021-10-26
406 瀏覽
餐廳喺尖沙咀棉登徑，K11行過去好快就到，門面大大個朱紅色鳥居好有氣派又易認。裡面裝潢就係日式居酒屋風格，令人感覺輕鬆。前菜先嚟個麻醬椰菜，唔蘸麻醬食都覺得清甜，蘸麻醬就另一種風味，各有特色。【慢煮赤雞胸溫泉蛋野菜沙律】將蛋汁同沙律撈匀，成個沙律就充滿蛋香又滑溜，酸酸哋嘅沙律醋配搭鮮嫩雞胸同沙律菜，清新又開胃。食串燒最爽係飲啤酒、清酒，呢度都有供應，不過今次我哋叫咗水果梳打汽水，蜜柑同桃味充滿果香，飲得都係咁爽。串燒到啦，開始盛宴~【雞皮】油香十足，好邪惡呀，但我鍾意~【雞翼】燒到金黃色，好有燒烤嘅香烤味，皮脆肉嫩。【雞軟骨】咬落有嚼勁再帶啲肉味出嚟~【五花腩】灑咗黑椒去燒特別惹味，肥瘦適中，口感軟腍，必食推介。【牛小排】燒到啱啱好，中間仲見到粉嫩肉色，肉汁豐富，必食推介。【雞尾】肉同脂肪比較平衡。【雞腎】咬落爽口，味道香濃。【明太子雞腿肉】啖啖雞肉上面係明太子醬，明太子醬creamy，有獨特嘅鹹香，同雞肉都幾匹配，必食推介。【日本茄子】一小小節咁切開咗，上面加咗木魚花，再蘸日式醬油食，味道多層次。呢度嘅串燒本身冇調到好重嘅味道，所以食客可以按自己口味喜好調味，有檸檬汁、柚子胡椒醬，海
前菜先嚟個麻醬椰菜，唔蘸麻醬食都覺得清甜，蘸麻醬就另一種風味，各有特色。
【慢煮赤雞胸溫泉蛋野菜沙律】
將蛋汁同沙律撈匀，成個沙律就充滿蛋香又滑溜，酸酸哋嘅沙律醋配搭鮮嫩雞胸同沙律菜，清新又開胃。
食串燒最爽係飲啤酒、清酒，呢度都有供應，不過今次我哋叫咗水果梳打汽水，蜜柑同桃味充滿果香，飲得都係咁爽。
串燒到啦，開始盛宴~
【雞皮】油香十足，好邪惡呀，但我鍾意~
【雞翼】燒到金黃色，好有燒烤嘅香烤味，皮脆肉嫩。
【雞軟骨】咬落有嚼勁再帶啲肉味出嚟~
【五花腩】灑咗黑椒去燒特別惹味，肥瘦適中，口感軟腍，必食推介。
【牛小排】燒到啱啱好，中間仲見到粉嫩肉色，肉汁豐富，必食推介。
【雞尾】肉同脂肪比較平衡。
【雞腎】咬落爽口，味道香濃。
【明太子雞腿肉】啖啖雞肉上面係明太子醬，明太子醬creamy，有獨特嘅鹹香，同雞肉都幾匹配，必食推介。
【日本茄子】一小小節咁切開咗，上面加咗木魚花，再蘸日式醬油食，味道多層次。
呢度嘅串燒本身冇調到好重嘅味道，所以食客可以按自己口味喜好調味，有檸檬汁、柚子胡椒醬，海鹽三款~
張貼
