On The Spot Cafe Bar Restaurant (已結業)

同好朋友一齊去左呢間位於天后既西餐廳~環境好舒服，我地叫左一份晚市2人套餐，由前菜到甜品都好有水準~三款前菜味道都好好，冷肉芝士拼盤既莎樂美腸同parma ham肉味濃，鹹味適中~周打忌廉蜆肉湯非常足料，湯加左薯仔及洋蔥粒，鮮甜而且口感豐富~沙律亦好新鮮~主菜既北海道帶子及原隻龍蝦尾都煎得好好，嫩滑多汁，特別係龍蝦肉，好鮮甜好好味~配埋荷蘭醬一齊食更加香~卡邦尼意粉做到Al Dente，每條意粉都沾滿醬汁，芝士味好濃~豬面頰肉用料不錯，為醬汁增添油香味~甜品精緻又好味，尤其係士多啤梨麻糬窩夫，非常滿足既一餐~