鳴門魚市場居酒屋 (已結業)

行過荃新天地見到荃灣店食滿$100送$100 coupon下次使用，覺得幾抵就搵日夜晚嚟幫襯，餐廳比想像中大，我諗佢有啲長期捧場客，見到有熟客同侍應熟絡咁傾偈，有啲日本居酒屋嘅feel~魚市場刺身拼盤，見到賣相忍唔住wow一聲，有金目鯛半條、加拿大海膽、赤蝦、北寄貝、伊佐木、劍魚腩、鮮貝柱，全部刺身都非常新鮮而且份量十足都係厚切，最最喜愛金目鯛嘅肉質好鮮甜爽口，海膽一啲都唔苦口感creamy同紫菜一齊食好正!! 日本令和怪物蠔，侍應話係飛機貨好新鮮，成隻手掌咁大隻，一食落口就知佢新鮮，走清爽易入口路線，建議唔需要點醬汁食，加少少檸檬汁已經好好味!! 壽司有鵝肝、拖羅蓉、左口魚裙邊、赤貝，鵝肝燒得好香入口即溶超好食，第二最愛係左口魚裙邊，平時比較少機會食到，拖羅蓉亦都好正!! 好想encore鵝肝壽司，但已經好飽唯有留返下次~ 串燒有牛舌、豚肉蘆筍卷、黑豚腩同埋白鱔，燒白鱔非常肥美，燒到外皮有少少脆，非常推介，另外蘆筍好新鮮完全冇渣，串燒有水準調味得宜!! 最後有海膽海鮮黃金炒飯，呢個炒飯有好多配料，炒得好香而且啲飯粒粒分明有鑊氣!! 整體食物水準好好，唔怪得知咁多熟客捧場客，食完攞到