影片
更多
2022-06-25
167 瀏覽
🌊高質食材 • 鐵板Omakase🌊 推介指數 ❤️❤️❤️❤️❣️終於感受到屯馬線開通的方便，出街嘅版圖亦逐漸擴展，走出comfort zone。到訪鄰近柯士甸站偉晴街日式餐廳，鐵板燒都有Omakase?😯兩個人點選兩款套餐，咁就可以開心share唔同菜式。主要分別是主打菜式及肉類，同樣都有前菜、沙律、野菜、湯及甜品。但點解係Omakase？首先樂師傅會問食物喜好及敏感，胃口、同夠唔夠飽為大前題，強調最重要食得開心又滿足❣️*Menu作參考，實際款式有多無少💕🐚十八層海膽杯Omakase HKD1388 甜品🔥火焰海膽甲羅燒Omakase HKD888 甜品💚熱茶 - 蔘茶加上青檸嘅清新，意想不到的令人一飲再飲🥗明太子粟米薯仔沙律醬/車厘茄白苦瓜沙律 - 圓轆轆粟米薯仔沙律，以明太子及紫蘇葉點綴；白苦瓜甘香爽脆，平時對苦瓜抗拒嘅都食咗唔少🤍前菜 - 賣相精美，爽口鮮蝦、菠菜及嫩滑日本豆腐，作為夏天開胃菜唔錯🌊18層海胆杯 - 北海道紫海膽，魚籽、海葡萄、松葉蟹肉、三文魚子、粒貝、藍鰭吞拿魚拖羅容、北歐花膠、凍磯煮鮑魚、櫻花魷魚、牡丹蝦等等，頂層燒白飯魚乾亦脆口。樂師傅教路倒落碟撈嚟食，每啖都有唔
推介指數 ❤️❤️❤️❤️❣️
終於感受到屯馬線開通的方便，出街嘅版圖亦逐漸擴展，走出comfort zone。到訪鄰近柯士甸站偉晴街日式餐廳，鐵板燒都有Omakase?😯
兩個人點選兩款套餐，咁就可以開心share唔同菜式。主要分別是主打菜式及肉類，同樣都有前菜、沙律、野菜、湯及甜品。但點解係Omakase？首先樂師傅會問食物喜好及敏感，胃口、同夠唔夠飽為大前題，強調最重要食得開心又滿足❣️
*Menu作參考，實際款式有多無少💕
🐚十八層海膽杯Omakase HKD1388 [一人前］
✨前菜、沙律、18層海膽杯、活龍蝦、貝類、海鮮、岩手縣和牛/日本十勝黑豚、主食、燒野菜、湯及甜品
🔥火焰海膽甲羅燒Omakase HKD888 [一人前］
✨前菜、沙律、火焰海膽甲羅燒、鐵板原隻班馬賴尿蝦、肉類、主食、燒野菜、湯及甜品
💚熱茶 - 蔘茶加上青檸嘅清新，意想不到的令人一飲再飲
🥗明太子粟米薯仔沙律醬/車厘茄白苦瓜沙律 - 圓轆轆粟米薯仔沙律，以明太子及紫蘇葉點綴；白苦瓜甘香爽脆，平時對苦瓜抗拒嘅都食咗唔少
🤍前菜 - 賣相精美，爽口鮮蝦、菠菜及嫩滑日本豆腐，作為夏天開胃菜唔錯
🌊18層海胆杯 - 北海道紫海膽，魚籽、海葡萄、松葉蟹肉、三文魚子、粒貝、藍鰭吞拿魚拖羅容、北歐花膠、凍磯煮鮑魚、櫻花魷魚、牡丹蝦等等，頂層燒白飯魚乾亦脆口。樂師傅教路倒落碟撈嚟食，每啖都有唔同嘅味道同口感，有鮮甜有甘甜，層次豐富～ 
🌊 鐵板原隻班馬瀨尿蝦 - 近距離欣賞純熟手法起殻拆肉，賣相精美、完整一隻瀨尿蝦重現，即使蝦底部亦煎香。鐵板香氣撲鼻，肉質鮮甜厚肉，仲有蝦膏，色香味俱全～
🦞活龍蝦 - 升級一隻活龍蝦 (+HKD150) 仲可以品嚐兩食，肉質新鮮爽口彈牙又鮮甜。芝士焗龍蝦味道芝士味道濃厚，龍蝦膏炒龍蝦更能帶出食材鮮味，滿足
🍹特飲 - 店員奉上冰涼果汁，酸酸甜甜菠蘿汁夾雜清甜蘋果汁，減一減滯感又開胃
🌊珍寶蟶子 - 蟶子新鮮又鮮甜，爽口彈牙，加上木魚絲令味道更鮮甜
🌊鰻魚 - 超驚喜鰻魚，皮身比平時的厚煎得香口酥脆，魚肉鮮甜嫩滑，同時食到唔同口感。兩排4件的鰻魚，分別食到唔同皮的質地，店員解答係不同部位喔 #長知識
🦀火焰海膽甲羅燒 - 店員明白打卡嘅重要性，奉上時會配合🤭 甲羅燒材料豐富，魚籽、海膽、三文魚籽、蟹肉、洋蔥等等，每一啖不同味道及口感，層次同樣豐富
🦆鐵板燒鵝肝 - 鵝肝？又大又厚切，加埋大過牛扒😯 煎得香口、外脆內嫩，加上醋汁減膩感；伴碟的紫色玫瑰同樣食哂。以紅酒燴梨百砌成，仲有藍莓爆珠作花芯，食哂
🐽日本十勝黑豚 - 每一件黑豚切得相約、外表脆口質地彈牙，豚肉味道濃；配上新鮮自家製士多啤梨汁甜甜酸酸剛好，想甜一啲更可加埋蜜糖爆珠一齊食
🍠燒野菜 - 芝麻醬茄子軟腍、南瓜清甜有口感、紫薯仔中間夾綿花糖好特別，下次bbq都可以試吓
🥚炒飯 - 簡單加入椰菜花、肉粒、蔥、蒜的炒飯，炒得乾身又香口。陣陣黑松露香氣，加埋蘭王煎蛋，蛋汁提升味道，完美～
♨️吸物 - 特式紙包海鮮湯，湯底味道超濃厚又鮮甜，材料有花膠、蜆、冬瓜、海帶等。店員仲提及龍蝦頭提鮮，令人十分回味
❤️🔥驚喜多士 - 閒談間同師傅講起好想食焦糖多士，樂師傅二話不說就開始啦。外層焦糖脆口，內層面包依然鬆軟，好好食🥰 #互動的重要性
🍨甜品 - 紫蘇葉墊底的自家製雪糕，每一口都食到海膽鮮甜的雪糕，面層仲有爆炸糖扮演蟹籽，驚喜又創新，好味呀～
🌟整體食物食材高質新鮮，份量十足；師傅及店員依食用進度準備菜式且有互動，每一道均有介紹食材。氣氛輕鬆。店舖門面日本風、店內Bar枱座位6個及有sofa位。店舖不算大但有親切感，店員提及7月中會裝修喔～
總結：-
食物 ❤️❤️❤️❤️❣️
環境 ❤️❤️❤️❤️🤍
服務 ❤️❤️❤️❤️❣️
.
.
.
🔖 樂Teppanyaki
🪑佐敦偉晴街29-37號騏邦大廈地下6號舖
張貼
