譽 鐵板燒

營業中

休息中

講起鐵板燒，已經好耐冇食過。係元朗屏會街依間鐵板燒。廳餐唔止選用新鮮食材，連食材配搭和擺盤都花盡心思，每款食材上碟時都配蔬果，以解油膩或清清口腔，店員又親切殷勤，有問必答，除了介紹每道菜式的名稱和怎樣烹煮，還教埋我哋點樣食。絕對係食物新體驗。沙律：Parma ham 內夾着蘆筍，味道細緻。車厘茄藍莓和日本白粟米，第一次生食日本白粟米，清甜多汁，伴着麵豉油醋汁，打開胃口。前菜：賣相吸引，松葉蟹撈蟹膏，蟹膏香濃，非常鮮味。海膽質感細膩和甘甜。鹽焗南非鮑魚，師傅話鮑魚本身帶有海水嘅咸，落少少鹽焗已經夠晒味，肉厚有嚼頭，雞冠草配自家製鮑魚乾汁，醬汁味道有啲似蟹糕，伴着鮑魚又係另一番風味。銀雪魚配明太子汁，銀雪魚肉質幼滑，魚皮好似薯片咁脆，因銀雪魚油脂豐厚，師傅配上明太子汁中和，龍珠果，清甜多汁同時又可清清口腔。北海道帆立貝，底面都煎至金黃色，肉質肥厚，鮮爽帶甜。三文魚子自家醃過，完全冇腥味，配海膽忌廉汁，味道豐盛。西澳龍蝦，龍蝦開邊燒，師傅起肉連膏上，食落啖啖肉，龍蝦肉爽彈，龍蝦膏鮮美香甜，別具風味！鵝肝鍋巴配黑醋，質地幼嫩嘅鵝肝配上酥脆鍋巴，香氣迫人，一軟一硬，配合得宜。蕉糖水蜜桃，好特別。