穴蔵

營業中

休息中

呢日同同事放工去Chili下，去食正嘢，滿心期待。入到裏面燈光好有氣氛，有分吧枱同普通枱，重有罕有嘅圓型卡枱，居然比我哋坐到，好幸運。特上刺身拼盤呢個特上刺身拼盤食材新鮮到一個點，魚類刺身全部厚切，而且鮮味十足，帶子大粒又彈牙，海膽又新鮮又甜，魚子大粒又通透，牡丹蝦又大隻。特上雜錦天扶良炸粉唔厚，恰度好處，食材炸後不失鮮味，部分外脆內軟，如茄子、蝦，蔬菜則外層鬆脆，內層爽口，炸蟹腳好特別，蟹肉鮮甜、唔散。牛油果軟殼蟹卷牛油果醬上滿滿飛魚子，飯身軟硬適中剛剛好，軟殼蟹炸得鬆脆，成個組合好有口感好好味。燒牛脷牛脷唔韌，牛味重，配埋少少鹽燒，好入味。燒西京銀鱈魚銀鱈魚魚肉燒得剛好，魚肉配埋燒汁好夾，點唔剛唔沙律醬都好好食，碟上都有貼心提供沙律醬。燒年糕配紅豆年糕燒外層有d薄脆咁，內層煙煙韌韌，配埋紅豆，好好味。柚子雪皅配蜜糖柑肉+芝麻雪糕呢個柚子雪皅味道好清新，配埋蜜糖柑肉，都唔會太甜，好清甜。芝麻雪糕外有威化，好特別，配埋芝麻雪糕食都好match。