影片
更多
2020-05-08
59 瀏覽
將軍澳海濱呢邊嘅餐廳差不多全部試過晒就諗住試吓呢間新野預早book咗枱坐outdoor 餐廳環境同食物質素確實唔錯不過服務質素就真係非常惡劣！！我哋三個人坐低連水都冇杯叫咗支白酒 但所有食物嚟齊晒支白酒都未到前後問咗三次 先無啦啦同我哋講話支白酒冇貨😑咁點解我問第一次嘅時候唔講要問三次先講？！都算啦～咁叫佢介紹支比較甜嘅白酒俾我哋個服務員竟然好串咁話‘’佢唔清楚㗎，個個人條脷都唔同‘’😑真係令人非常無言....食到10點左右，我哋諗住叫多支酒，服務員竟然同我哋講佢哋就嚟收舖所以唔賣酒啦但間野明明係收11點，而且之前佢完全冇同過我哋講last order(正常餐廳都會問last order睇吓你仲有冇嘢嗌啦下話？）之後佢又話可以俾我哋叫杯啤酒咁我哋就一人叫咗一杯啦嘩....嗰杯咁嘅hoegaarden 酸到酸梅湯咁嘅款早知唔嗌好過！最最最離譜嘅係坐到10:50左右 其實我哋已經準備走個服務員竟然走過嚟趕我哋仲要態度惡劣地話佢已經同我哋講咗300次佢哋要閂門 點解我哋仲唔走而且仲要唔係同我哋一台咁講另外仲有枱未走嘅 都一樣俾佢趕我都係第一次嬲到要喺OpenRice寫食評喂大佬 其實你趕收工
就諗住試吓呢間新野
預早book咗枱坐outdoor
餐廳環境同食物質素確實唔錯
不過服務質素就真係非常惡劣！！
我哋三個人坐低連水都冇杯
叫咗支白酒 但所有食物嚟齊晒支白酒都未到
前後問咗三次 先無啦啦同我哋講話支白酒冇貨😑咁點解我問第一次嘅時候唔講要問三次先講？！
都算啦～咁叫佢介紹支比較甜嘅白酒俾我哋
個服務員竟然好串咁話‘’佢唔清楚㗎，個個人條脷都唔同‘’😑真係令人非常無言....
食到10點左右，我哋諗住叫多支酒，服務員竟然同我哋講佢哋就嚟收舖所以唔賣酒啦
但間野明明係收11點，而且之前佢完全冇同過我哋講last order(正常餐廳都會問last order睇吓你仲有冇嘢嗌啦下話？）
之後佢又話可以俾我哋叫杯啤酒
咁我哋就一人叫咗一杯啦
嘩....嗰杯咁嘅hoegaarden 酸到酸梅湯咁嘅款
早知唔嗌好過！
最最最離譜嘅係
坐到10:50左右 其實我哋已經準備走
個服務員竟然走過嚟趕我哋
仲要態度惡劣地話佢已經同我哋講咗300次佢哋要閂門 點解我哋仲唔走
而且仲要唔係同我哋一台咁講
另外仲有枱未走嘅 都一樣俾佢趕
我都係第一次嬲到要喺OpenRice寫食評
喂大佬 其實你趕收工我明嘅
但都可以客氣啲對待客人囉
我唔知道係唔係得呢個男服務員係咁樣啦
但呢啲咁嘅服務質素就真係嘢食幾好食都挽救唔返囉！！
張貼
