影片
更多
2019-01-29
401 瀏覽
餐廳環境係古典風，不過燈光太暗。張枱好闊落，但張凳就有d難推，尼方面可以再改良下。麻辣鍋(小辣)拼寧神養心鍋($168)麻辣鍋我覺得小辣只係似微辣，對我而言唔夠惹味，但"友人"已經覺得好辣。湯底仲有鴨血(另可免費追加鴨血一份)同凍豆腐。鴨血嫩滑，比豬紅好食。寧神養心鍋充滿濃厚魚湯味同藥材味，湯底真係有個魚頭同半隻烏雞，雞肉索哂湯底既味道，肉質都唔錯。我地兩個人叫左六款火鍋配料就飽哂。火鍋配料屬高質(始終一分錢一分貨)。我地最鐘意就係黑松露蝦丸半份($48)同鵝肝墨魚丸半份($48)。墨魚丸同蝦丸都爽口彈牙。成粒墨魚丸俾好重既黑松露味包圍住，好香；一咬開蝦丸就有強烈既鵝肝味飄出來，好味，兩樣都係必叫。至於肉類，極上雪花肥牛($188)好腍好有牛肉味，同牛x既日本特級和牛質素差不多，好食。涮鍋小羔羊肉片($108)薄切，肉質嫩滑，充滿羊味但又唔會覺得好羶。嘉美農場雞肉($108)肉質比普通任食火鍋配料更嫩滑。"友人"話如果有下次，可以叫多份肥牛而唔叫羊肉。即炸脆響鈴($68)即叫即炸，又脆又大件，索哂d湯，好味。facebook打卡每位送一杯無酒精飲品，我地就揀左鹹檸七，正常。另外再叫左枝
麻辣鍋(小辣)拼寧神養心鍋($168)
麻辣鍋我覺得小辣只係似微辣，對我而言唔夠惹味，但"友人"已經覺得好辣。湯底仲有鴨血(另可免費追加鴨血一份)同凍豆腐。鴨血嫩滑，比豬紅好食。寧神養心鍋充滿濃厚魚湯味同藥材味，湯底真係有個魚頭同半隻烏雞，雞肉索哂湯底既味道，肉質都唔錯。
我地兩個人叫左六款火鍋配料就飽哂。火鍋配料屬高質(始終一分錢一分貨)。我地最鐘意就係黑松露蝦丸半份($48)同鵝肝墨魚丸半份($48)。墨魚丸同蝦丸都爽口彈牙。成粒墨魚丸俾好重既黑松露味包圍住，好香；一咬開蝦丸就有強烈既鵝肝味飄出來，好味，兩樣都係必叫。
鵝肝墨魚丸;黑松露蝦丸
34 瀏覽
0 讚好
0 留言
至於肉類，極上雪花肥牛($188)好腍好有牛肉味，同牛x既日本特級和牛質素差不多，好食。涮鍋小羔羊肉片($108)薄切，肉質嫩滑，充滿羊味但又唔會覺得好羶。嘉美農場雞肉($108)肉質比普通任食火鍋配料更嫩滑。"友人"話如果有下次，可以叫多份肥牛而唔叫羊肉。
即炸脆響鈴($68)即叫即炸，又脆又大件，索哂d湯，好味。
facebook打卡每位送一杯無酒精飲品，我地就揀左鹹檸七，正常。另外再叫左枝微糖豆漿($16)，味道真係好淡，如果有下次我唔會再叫。
*每位茶芥$20
*尖沙咀分店：8點半前離座或9點半後入座有七折優惠。茶芥同飲品無七折。
(個人口味：3.7+4.3/10)
張貼
