第三站

朋友想揾個地方可以靜靜地傾計,所以我哋book咗呢間喺旺角金雞廣場25樓嘅樓上cafe「第三站」，餐廳座位闊落，燈光明亮，梳化以白色為主，坐得舒適，環境乾淨又企理。lunch set 加$38有田園沙律和蛋糕。田園沙律:新鮮沙律菜爽脆清甜，加入芝麻醬更惹味。藍莓芝士蛋糕:芝士蛋糕質感細滑，上面放咗一層藍莓醬，唔會太甜，適合想食甜品又怕肥嘅朋友仔。紐約芝士蛋糕:擺盤有特色，有濃郁嘅芝士香味，微甜，食落唔會太膩。黑松露帶子鮮菌燴意大利飯 $92個意大利飯真係好食，米飯軟綿，黑松露忌廉香而不膩，有帶子鮮甜和菇嘅口感，非常滿足。意式鮮茄肉丸燴意粉 $88一碟有六粒肉丸，肉丸爽口，意粉煮到剛好，番茄蓉熬製出來醬汁酸酸甜甜好醒胃。蜜糖芥末單骨雞翼 $76即叫即做，上枱熱辣辣，雞肉嫩滑，香脆可口，點埋芥末醬更加好食。所有套餐贈送$38飲品一杯，如果超過$38以上就要補回差額。芒果奶昔 +$18好大杯，有淡淡芒果嘅香味，口感順滑，幾好飲，啱曬打卡。西班牙咖啡 +$14咖啡加咗牛奶，又香又滑，雲呢拿雪糕慢慢溶喺咖啡，咁嘅配搭，好正。📍第三站旺角洗衣街39號金雞廣場25樓08-09室