影片
更多
2020-01-03
802 瀏覽
話說上次飲完梵高3D打印咖啡之後，男朋友似乎幾鍾意呢種風格嘅餐廳，於是我趁佢生日就book咗一間梵高體驗館。入到呢個環境真係好靚，近門口位置係買一啲紀念品嘅地方，即是你喺餐廳用過嘅餐具都可以喺呢度買得返。入到黎餐廳位置就可以見到牆上面有幾個電子嘅梵高名作，點解係電子嘅呢？因為當你通知餐廳你朋友生日嘅時候，除咗甜品上會加上祝福語，牆上面嘅電子畫都會變成Happy birthday嘅作品。佢呢度只有一個餐俾你揀，令我覺得最喜歡嘅係，佢嘅所有餐具擺設都係好靚，即是一隻白色嘅碟其實都有暗花，全部花紋都係梵高嘅作品。首先會上咗個麵包先，佢嘅包真係好軟熟得來又好煙韌，係手造唔加化學嘢而直接花時間俾作發酵果種。佢總共有三款味道，分別係原味，提子乾同榖物，上枱嘅時候仲係微暖，真係好好食。而前菜就係小牛肉拼吞拿粒，佢個小牛肉真係好嫩好軟腍，再配埋油封過嘅吞拿魚同啲配菜，口感好豐富又新鮮。再嚟就係柴魚高湯配慢煮鮑魚，佢除咗鮑魚仲有一啲豆腐，豆腐湯柴魚高湯嘅味道非常之夾，鮑魚個湯撞埋一齊亦都好鮮味。佢個豆腐係用過類似炸皮咁嘅袋去包住個豆腐，口感好得意，而且外皮亦都索滿晒個湯。主菜我哋就嗌左各一，一個係番茄燉
入到呢個環境真係好靚，近門口位置係買一啲紀念品嘅地方，即是你喺餐廳用過嘅餐具都可以喺呢度買得返。入到黎餐廳位置就可以見到牆上面有幾個電子嘅梵高名作，點解係電子嘅呢？因為當你通知餐廳你朋友生日嘅時候，除咗甜品上會加上祝福語，牆上面嘅電子畫都會變成Happy birthday嘅作品。
佢呢度只有一個餐俾你揀，令我覺得最喜歡嘅係，佢嘅所有餐具擺設都係好靚，即是一隻白色嘅碟其實都有暗花，全部花紋都係梵高嘅作品。
首先會上咗個麵包先，佢嘅包真係好軟熟得來又好煙韌，係手造唔加化學嘢而直接花時間俾作發酵果種。
佢總共有三款味道，分別係原味，提子乾同榖物，上枱嘅時候仲係微暖，真係好好食。
而前菜就係小牛肉拼吞拿粒，佢個小牛肉真係好嫩好軟腍，再配埋油封過嘅吞拿魚同啲配菜，口感好豐富又新鮮。
再嚟就係柴魚高湯配慢煮鮑魚，佢除咗鮑魚仲有一啲豆腐，豆腐湯柴魚高湯嘅味道非常之夾，鮑魚個湯撞埋一齊亦都好鮮味。
佢個豆腐係用過類似炸皮咁嘅袋去包住個豆腐，口感好得意，而且外皮亦都索滿晒個湯。
主菜我哋就嗌左各一，一個係番茄燉海鮮。佢入邊有蜆，青口，三文魚同魷魚圈。佢啲海鮮好新鮮，配埋蕃茄好鮮甜得來又酸酸地，好開胃。
另一個係紅燒羊腱，個羊唔會有騷味，肉都寫到好腍好入味，而佢個薯蓉亦都好幼滑。
甜品方面就係呢個咖啡味tiramisu，好幼滑，唔會太甜，加埋個朱古力底，再配埋新鮮野莓同士多啤梨，好滿足。
飲品佢有好多款唔同嘅熱茶俾你揀，依家啲熱茶都有唔同嘅主題，又唔同嘅花茶去造成，如果唔同嘅主題都會應用返唔同嘅茶杯。就好似我呢杯仲夏向日葵咁。
而男朋友嗰杯就係翠綠秘寶，綠茶為主嘅。食完一餐咁滿足嘅晚餐加埋呢杯茶，真係超級滿足。加上呢度嘅職員都好好禮貌，有一個菜都會為你換上唔同嘅餐具，絕對係一間高質正統嘅西餐廳。
張貼
