影片
更多
2022-12-27
31 瀏覽
❣️Espuma 🔎尖沙咀厚福街8號H8 2樓 -----又到聖誕，又到聖誕🎄～約上朋友仔一齊著靚靚，黎食個儀式感滿滿嘅聖誕餐🍴。餐廳裝修充滿聖誕氣氛，天花板同牆上都佈滿裝飾，散發陣陣浪漫氣息。✨Xmas Set Menu（$788/2PP）🍴APPETIZER：#蟹肉三文魚籽沙律伴鴨肝多士Crab Meat & Salmon Roe Salad & Duck Foie Gras Toast鴨肝油分充裕，蟹肉三文魚子沙律份量極多，絲絲蟹肉，加上晶瑩三文魚籽，啖啖鮮甜。🍴SOUP：#帶子龍蝦湯Scallop & Lobster Soup龍蝦湯非常濃郁，質感同平日比平日飲嘅忌廉龍蝦湯薄身，無咁飽膩，飲落係重重嘅龍蝦蝦膏味，鮮鹹味突出，繼而係微微甜味回甘。🍴MAIN COURSES（五款選擇，自選兩款）：#法式焗羊架寶雲酥Provencal Rack of Lamb#慢烤厚切有骨豬鞍架配煙肉蘆筍卷Slow-roasted Pork Rack with Bacon Asparagus Roll無論係🐏羊架定係🐖豬鞍架都非常厚肉，食肉獸絕對一見傾心，羊架可以自選幾多成熟我哋就揀咗八成，羊肉外層酥香
🔎尖沙咀厚福街8號H8 2樓
-----
又到聖誕，又到聖誕🎄～
約上朋友仔一齊著靚靚，黎食個儀式感滿滿嘅聖誕餐🍴。餐廳裝修充滿聖誕氣氛，天花板同牆上都佈滿裝飾，散發陣陣浪漫氣息。
✨Xmas Set Menu（$788/2PP）
🍴APPETIZER：
#蟹肉三文魚籽沙律伴鴨肝多士
Crab Meat & Salmon Roe Salad & Duck Foie Gras Toast
鴨肝油分充裕，蟹肉三文魚子沙律份量極多，絲絲蟹肉，加上晶瑩三文魚籽，啖啖鮮甜。
🍴SOUP：
#帶子龍蝦湯
Scallop & Lobster Soup
龍蝦湯非常濃郁，質感同平日比平日飲嘅忌廉龍蝦湯薄身，無咁飽膩，飲落係重重嘅龍蝦蝦膏味，鮮鹹味突出，繼而係微微甜味回甘。
🍴MAIN COURSES（五款選擇，自選兩款）：
#法式焗羊架寶雲酥
Provencal Rack of Lamb
#慢烤厚切有骨豬鞍架配煙肉蘆筍卷
Slow-roasted Pork Rack with Bacon Asparagus Roll
無論係🐏羊架定係🐖豬鞍架都非常厚肉，食肉獸絕對一見傾心，羊架可以自選幾多成熟我哋就揀咗八成，羊肉外層酥香，內層濕潤粉嫩，咬落毫無腥膻味，配搭車厘茄、三色椒及栗子伴碟，貌相味道均非常到位。而豬鞍架則行健康路線，多肉少肥膏，質感彈牙扎實，配搭粉綿薯仔，飽肚滋味。
🍴DESSERT：
本身嘅聖誕餐係配搭無花果迷迭香蛋白卷嘅，剛好遇著餐廳賣曬，就轉咗做#招牌鮮雜果麻糬窩夫配雪糕，麻糬窩夫外脆內軟糯，加上大量雜果同雪糕，作為招牌確實不為過。
DRINKS：
#西班牙果酒（Sangria）& #招牌水果茶（Fruit tea）
冇誇張，呢一間餐廳嘅Sangria絕對係我見過最多水果嘅，順喉果酒加上甜度自然帶果香嘅水果茶，加上豐富嘅顏色，令整個聖誕餐🎄更富節日氣息。
張貼
