醉忘魚屋 (已結業)

「醉忘魚屋」開業一個月🎏但佢會供應海鮮比香港米芝連星級餐廳架🌟新鮮程度毋庸置疑～👨🏻‍🍳由超過30年日本廚師經驗嘅行政總廚主理！ 🍶居酒屋又點少得酒精～餐廳有成18款以上嘅sake，仲有好岩女士飲嘅果實酒～大家邊食邊飲幾開心🥳✧ ✧ ✧ ✧ ✧ ✧🔖『 Lunch set 有十款選擇 ，價錢由 💲98-💲228 』包 前菜、沙律🥗、麵豉湯再加 汽水 +$10 / 日本生得利生啤+$38 🍣 《 忘精選刺身5點 配飯 💲238 》廚師會揀選時令刺身，呢日我就有有三文魚、金目鯛、赤鯛、油甘魚及帶子（因為我唔食蝦~) 款款厚切刺身都好鮮嫩，而且富魚脂香只需輕蘸醬油就夠提味～ 飯都粒粒分明又煙韌，一口刺身、一口米飯，感覺比起食壽司更滿足～🐷《 日式咖喱吉列豬扒 💲108 》除咗刺身海鮮，都推薦呢個以🌰栗飼豬製作嘅吉列豬 - 豬肉肥瘦均勻，肉味濃郁又富肉汁💦炸過嘅外層薄脆不油膩，一咬香脆鬆化～拌埋微辣帶甜嘅日式咖喱真係好惹味～栗飼豬仲比一般豬含有更多不飽和脂肪酸、蛋白質同礦物質架～～ 店員有禮又會主動添水，服務唔錯～性價比高，會再去☺️