魚鮮生刺身專門店 (已結業)

魚鮮生，一間充滿日本風味既日式刺身轉門店，店舖位於登龍街，店面唔算大，不過入面好有居酒屋既感覺。茶單係用木板同布製成，好特別。需要Menu選擇唔多，但係每一樣都吸引，我地就點左鮮活赤形味丼同本鮪丼。鮮活赤形味丼入面既刺身真係超豐富，活赤貝同帆立貝超爽甜，帶子超大隻而且好新鮮，廣島蠔啖啖肉非常肥美，海膽係我既至愛，份量仲要咁多，未食已經流哂口水啊🤤🤤🤤本鮪丼由相當新鮮既上拖羅同中拖羅製成既丼飯，魚生既份量蓋滿成碗飯，每一塊拖羅都充滿魚油既香味，入口即溶，好滿足☺️☺️☺️每個套餐仲有附上一碗好清甜既海帶蜆肉湯同芝麻醬凍豆腐。雖然價錢上唔算得平，不過有咁既質素絕對係對得住依個價啊！