夢の丼 (已結業)

好耐冇食過魚生飯，朋友話土瓜灣有間唔錯，好近地鐵站，就決定去食。蟹皇醬燒蟹膏豆腐見餐廳推介就點左，果然係招牌菜，豆腐燒得香滑，表面香濃嘅蟹皇醬入口即溶，非常好味！磯燒北海道珍寶帆立貝我好鐘意食帆立貝，但都係第一次食咁大隻帆立貝，帆立貝燒得啱啱好，而且食落口感好好，仲係有鮮味，配埋紫菜食好夾。赤鮭魚刺身加水八爪魚赤鮭魚刺身肥美，位置上乘，表面有輕微燒過成功減少油膩感，水八爪魚非常新鮮，旁邊一串魚嘴亦都好爽口😋左口魚邊壽司不過不失，燒得啱啱好，舊飯都算實，唔會一夾就散。花錦魚生丼非常之足料又新鮮，包括有三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子漬、松葉蟹、蜆肉，全部都係切到好啱入口嘅size, 個飯底煮得唔錯，調味又唔會太咸。炎之丼好少見全熟嘅魚生丼就試吓，估唔到咁正，三文魚蓉、右口魚邊、牛油醬燒帆立貝、海膽醬甜蝦蓉同蟹膏豆腐都整得好好👍🏻總括而言，餐廳食物高質，位置方便，下次想食魚生飯會再去。