九記牛什粉麵

營業中

休息中

全港新鮮牛雜應該剩返無幾多開，九記係其中一間。餐廳行先錢後貨制，行埋去，落單，比錢，搵位，開餐。雖然好多人話要試下個魚餅，但一場嚟到，梗係食新鮮牛雜。即叫即剪，牛腸，牛膀，牛肺，牛肚每樣大約有三四件。牛腸: 切得幾大嚿，有肥膏邊，腸味好濃，唔會太韌，不錯。牛膀:無出面咁鹹，但切得比較少，試唔真。牛肺:切咗好多，無異味，正常。牛肚:好淋，唔係出面一般嘅死鹹，唔錯。總括嚟講調味輕手過出面鹹水牛雜好多。因為唔洗遮陣雪味，就咁食原味已經幾好。