火鍋郎 (已結業)

平時食火鍋都食開放題、偶爾想對自己好D、就會去食高級D單點嘅火鍋。最近去左尖沙嘴新開嘅「火鍋郎」，主打高級A5黑毛和牛、新鮮食材同特別湯底。火焰岩手和牛白湯：加左好多香料嘅牛湯、超級香濃牛味、同任何食材都好match。A5熊本黑毛和牛牛小排：雪花超靚、肥肉偏多、牛味重、入口即化。佐賀名水豚梅花肉：超級爽脆、香甜豬肉、梅花肉部位唔會好肥。鬼馬手打海中蝦滑：呢一款係小食、唔需要放入火鍋。炸得非常香脆、但一D都唔油膩。蝦滑又好彈牙。A5 熊本黑毛和牛西冷：都係屬於雪花肥牛、但肥肉會比牛小排少。牛味會無禁重，但相對都會無禁膩。韭菜豬肉餃：個人覺得比較一般、無咩特別。可以skip蔬菜拼盤：以火鍋店黎講、性價比算高。蔬菜好新鮮、分量又多。菇類加入牛湯裡面超級入味！A5 熊本黑毛和牛肩胛肉：新張期內特價。呢一款我個人覺得最好食！雪花分佈均勻、但肥肉偏少，牛味重又好爽口！推薦！A5 熊本黑毛和牛和尚頭：同肩胛嘅肉質比較似、但係會無無禁重牛味。A5岩手黑毛和牛後腰肉：肉會偏瘦、無禁軟滑、但相對比較健康！整體黎講肉嘅quality都好高、而且有唔同部位選擇！啱曬食肉獸！而且環境同座位都好舒服！推薦試業期間