燒肉の牛太・本陣 (H8)

營業中

休息中

近期都無咩食燒肉, 心思思想食番餐靚燒肉, 朋友話想試下E間燒肉の牛太・本陣 , 於是今晚就去左試下, 入到去環境幾乾淨而且無咩油煙味, 人流都幾多, 仲有好幾枱係日本客人, 餐廳分左兩邊, 一邊係和式座位另一邊係正常座位, 店員安排左車車同朋友坐係和式座位果邊, 一邊望住尖沙咀夜景一邊食燒肉真係好爽🌟沖繩菠蘿氣酒／檸檬氣酒冰凍夠氣, 消暑解渴, 配燒肉嘅良品! 🌟紫菜沙律沙律份量幾多, 沙律菜清新爽脆, 配搭埋紫菜, 食起上嚟就無咁dry, 可以加埋燒肉一齊食咁就無咁膩!🌟極上炙燒帆立貝伴魚籽大大隻帆立貝只需每邊燒幾秒再用紫菜包住, 微微燒過帆立貝令入面帶溏心效果, 食落鮮甜柔嫩, 加埋大大粒魚籽, 咬落去卜卜聲, 口感更豐富, 建議可以微微燒下塊紫菜, 令其更脆口🌟黑毛和牛炙燒他他和牛配搭生雞蛋, 酸蘿蔔蓉同蔥花一齊食估唔到咁夾, 味道清新又醒胃🌟黑毛和牛“極”牛柳牛柳嘅雪花紋理細緻均勻, 燒嘅時候已經聞到陣陣香氣, 食落油脂甘香, 入口即溶, 肉質軟嫩超幸福, 中意食脂香嘅朋友一定唔可以錯過, 大推!🌟黑毛和牛4品4品有牛肋, 牛脊肉, 牛腹同牛赤身, 款款都超厚切, 油花多而且