影片
更多
2019-09-04
90 瀏覽
石門 Su Casa，係俾禾稈草遮住咗嘅一粒小珍珠。點解咁講呢，因為作為都間唔時去石門搵食嘅我嚟講，都係幾個月前先知有呢間嘢。佢個位置有少少唔顯眼，佢嗰邊其實得餐廳冇嘢行，如果唔係專登兜過去，係唔會冇啦啦路過。不過呢... 自從第一次幫趁過之後，就愛上左喇 😍。Su Casa 啲位都幾闊落，應該都唔會好逼。(利申：次次都lunch尾/tea唔多人嘅時間嚟，不過就算人多都應該OK)成間嘢用咗個綠色tone，我覺得都幾舒服。當然你話好有情調又不至於啦吓。----------佢 lunch menu 都算多嘢揀，以我咁多次嘅觀察，好似每次都必定有2飯2麵1薯1扒同埋1個 special。但最最最抵係，2:00-6:00 lunch set 有7折！🎉🎉🎉(注：1. 7折唔包任何upgrade嘅嘢，即係 menu右邊嗰堆 / 2. 好似要6:00前埋單先有)所以如果就到時間，我都係2:00後先嚟。好似我今日食個B餐，原本$78，7折左$62咋！(不過點解我加埋一都計唔到$62嘅 🤔)----------好好好！講返啲嘢食先！今次食嘅係B餐：蟹籽煙三文魚忌廉扁意粉 + 菠蘿有機奇亞籽綠茶其實我
點解咁講呢，因為作為都間唔時去石門搵食嘅我嚟講，都係幾個月前先知有呢間嘢。
佢個位置有少少唔顯眼，佢嗰邊其實得餐廳冇嘢行，如果唔係專登兜過去，係唔會冇啦啦路過。
不過呢... 自從第一次幫趁過之後，就愛上左喇 😍。
Su Casa 啲位都幾闊落，應該都唔會好逼。
(利申：次次都lunch尾/tea唔多人嘅時間嚟，不過就算人多都應該OK)
成間嘢用咗個綠色tone，我覺得都幾舒服。
當然你話好有情調又不至於啦吓。
----------佢 lunch menu 都算多嘢揀，以我咁多次嘅觀察，
好似每次都必定有2飯2麵1薯1扒同埋1個 special。
但最最最抵係，2:00-6:00 lunch set 有7折！🎉🎉🎉
(注：1. 7折唔包任何upgrade嘅嘢，即係 menu右邊嗰堆 / 2. 好似要6:00前埋單先有)
所以如果就到時間，我都係2:00後先嚟。
好似我今日食個B餐，原本$78，7折左$62咋！(不過點解我加埋一都計唔到$62嘅 🤔)
----------好好好！講返啲嘢食先！
今次食嘅係B餐：蟹籽煙三文魚忌廉扁意粉 + 菠蘿有機奇亞籽綠茶
其實我第一次去嘅時候連 openrice 都冇睇就撞咗入去，
但係又咁好彩地俾我撞到間好食嘅！
我覺得佢地啲嘢食真心好食，意粉軟硬適中，份量又夠。
去左咁多次都 keep 到水準，我完全感受到佢地嘅誠意！
不過呢，我只能夠評論佢地嘅意粉，因為我淨係食過佢地嘅意粉咋。哈哈哈哈哈！
再不過呢，其實都想試下佢地嘅扒，tea time 嚟食都好似好抵。
我幾次見隔離枱上菜都好似幾靚仔咁。
下午茶：蟹籽煙三文魚忌廉扁意粉 + 菠蘿奇亞籽綠茶
$62
6 瀏覽
0 讚好
0 留言
仲有樣嘢想讚嘅，係佢地嘅 service。
佢地啲 staff 會笑住 serve 你，好誠懇好有禮貌好 helpful。
不過呢，對比起以前，今次就爭咗少少啦。
我入到去個 staff 安排我坐窗口位，但我同佢講想坐圓枱，佢竟然話唔可以，因為 book 咗 🙃。
errr... 真係好有說服力喎，明明嗰時得嗰2枱定3枱。
俾少少誠意諗第二個原因得唔得？
同埋呢個 staff 個感覺都有啲懶懶閒咁，冇以前 serve 過我嗰啲咁好。
之前我因為佢地 service 好仲偷影過佢個經理想放上 openrice，不過懶冇 po，而家唔見左lu張相。
----------
同場加映
我之前喺 Su Casa 食過嘅其他意粉！errr... 不過我唔記得左佢地係咩嚟喇！
10 瀏覽
0 讚好
0 留言
9 瀏覽
0 讚好
0 留言
By the way，如果啲餐唔啱食係可以散嗌加錢轉餐嘅，但當然貴好多啦。
張貼
