影片
更多
2022-01-08
227 瀏覽
我一直都係輝哥私房菜嘅捧場客，最近見佢地推出左懷舊盛宴，當然就要去支持下啦！一定要講吓個價錢， $298可以食到九道菜，仲可以去邊度搵，而家簡簡單單食個晚飯叫兩個餸，都已經成$300啦！首先上黎嘅就係頭盤龍蝦，有兩種唔同嘅整法，可以揀四川麻辣或者攞去蒜蓉焗，而我就揀咗用蒜蓉去焗。真係估佢唔到，佢唔係比龍蝦仔我哋，而係一隻真正嘅大龍蝦，仲大隻過我塊面，兩個人食，每人半隻，平時去街市買，仲未整已經係百幾蚊，如果喺餐廳食，最少要$300埋單。 呢度竟然可以用到咁少嘅價錢食到咁大隻龍蝦，我真係有啲擔心佢哋會蝕本。跟住仲有巴拿馬火腿蜜瓜，或者煙鴨胸凱撒沙律可以揀，我哋就揀咗巴拿馬火腿蜜瓜。啱啱食完比較油膩嘅蒜蓉焗龍蝦，食返啲清清地嘅蜜瓜，可以解油膩，配搭得非常之好。再跟住就係蜜糖金蠔，金蠔肥美唔再講，佢再加上蜜糖，表面好似風乾左焦糖咁樣，完全唔會覺得好漏。然後就嚟到蟲草花淮山杞子燉水鴨湯，打開個湯盅，你會見到入邊係用咗幾咁多嘅材料，成個盅都係放滿左。飲落就會發覺係非常之濃郁，完全唔係溝鹽水嘅感覺。再之後就係蝦子扒柚皮，經理同我哋講，柚子皮原來要整得好食，係要經過好多嘅工序，要先蒸熟，再冷卻，再整
首先上黎嘅就係頭盤龍蝦，有兩種唔同嘅整法，可以揀四川麻辣或者攞去蒜蓉焗，而我就揀咗用蒜蓉去焗。真係估佢唔到，佢唔係比龍蝦仔我哋，而係一隻真正嘅大龍蝦，仲大隻過我塊面，兩個人食，每人半隻，平時去街市買，仲未整已經係百幾蚊，如果喺餐廳食，最少要$300埋單。 呢度竟然可以用到咁少嘅價錢食到咁大隻龍蝦，我真係有啲擔心佢哋會蝕本。
跟住仲有巴拿馬火腿蜜瓜，或者煙鴨胸凱撒沙律可以揀，我哋就揀咗巴拿馬火腿蜜瓜。啱啱食完比較油膩嘅蒜蓉焗龍蝦，食返啲清清地嘅蜜瓜，可以解油膩，配搭得非常之好。
再跟住就係蜜糖金蠔，金蠔肥美唔再講，佢再加上蜜糖，表面好似風乾左焦糖咁樣，完全唔會覺得好漏。
然後就嚟到蟲草花淮山杞子燉水鴨湯，打開個湯盅，你會見到入邊係用咗幾咁多嘅材料，成個盅都係放滿左。飲落就會發覺係非常之濃郁，完全唔係溝鹽水嘅感覺。
再之後就係蝦子扒柚皮，經理同我哋講，柚子皮原來要整得好食，係要經過好多嘅工序，要先蒸熟，再冷卻，再整返熱等等，有成十幾度工序先做到。
台山焗蟹砵，我聽就聽得多啦，但係真正食都係第一次。佢用左軟殼蟹同雞蛋一齊焗，可以一啖一啖就唔放入口食，完全唔會怕有蟹殼，雞蛋都整得好似蟹肉，你會感覺到成個菜係食緊所有都係蟹肉。
然後就到順德家鄉煎釀鯪魚，首先佢哋將鯪魚起咗肉，然之後再搞爛，再將佢切返成一條靚魚，再貼返魚皮上去，做到成條魚好完整。淨係賣相已經100分。鯪魚肉食得出係真正鯪魚肉，唔好話溝咗好多粉落去。
到最後就係鵝肝蠟味肉鬆炒飯，裏面真係有粒粒鵝肝，喺天氣咁凍嘅時候食臘味飯，真係好滿足，食完個人都暖粒粒。
整得我哋以為全部食晒嘅時候，竟然仲有個甜品。就係法式焦糖燉蛋。我覺得兩個人食嘅話，份量係非常之多，如果唔係大胃王應該食唔晒。可見餐廳真係唔會因為價錢問題而待薄客人，唔怕你食唔晒最驚你唔夠食啫。咁有誠意嘅餐廳，大家都一定要去試吓。提提大家，一定要訂座先至有得食，因為每日都會爆滿。
張貼
