影片
更多
2023-01-11
139 瀏覽
高質 抵食京滬香酥烤鴨午市套餐 $468**尖沙咀店限定**🔸京滬香酥烤鴨(半例）🔸招牌小籠包🔸魚子醬燒賣🔸芝土脆蝦卷🔸京滬香蔥煎餅🔸花雕醉雞🔸家常紅燒豆腐🔸魚湯鮮腐竹浸時蔬🔸京滬擔擔麵淨係睇到呢個長長嘅餐單都已經覺得好抵食！以午市套餐嚟講，實在係太豐富而且每人只係百幾蚊就有片皮鴨、小籠包食超值！🔸京滬香酥烤鴨(半例）北京烤鴨即係我哋平時食嘅片皮鴨，半例份量都好多！呢度嘅烤鴨以皮肉分離嘅形式上枱，食嘅時候可以先將頭四片沾砂糖食，其餘就用薄餅皮在點上甜醬，再加上蘿蔔絲、大蔥絲等配料包住一齊食。最後鴨腿可以將蒜蓉釀入皮同肉之間拎住黎食，享受另一種風味。🔸招牌小籠包小籠包超多汁，一口咬落去真係會有爆汁嘅感覺🔸魚子醬燒賣燒賣嘅蝦肉爽甜，加埋魚子醬真係倍加高貴嘅感覺🔸芝土脆蝦卷芝士脆蝦卷用咗雪茄嘅造型，啡色嘅外皮包着芝士同埋蝦肉，滿滿嘅芝士雖然冇拉絲，但係芝士味濃郁🔸京滬香蔥煎餅呢個香蔥煎餅，外層非常之香脆，一定要趁熱食🔸花雕醉雞醉雞嘅味道偏甜，有陣陣嘅桂花香氣，食落有層次感，唔會剩係得陣酒味🔸家常紅燒豆腐紅燒豆腐嘅醬汁香濃，加上甜椒嘅味道，都唔錯🔸魚湯鮮腐竹浸時蔬呢個白菜仔係成個套餐有畫龍點睛
京滬香酥烤鴨午市套餐 $468
**尖沙咀店限定**
🔸京滬香酥烤鴨(半例）
🔸招牌小籠包
🔸魚子醬燒賣
🔸芝土脆蝦卷
🔸京滬香蔥煎餅
🔸花雕醉雞
🔸家常紅燒豆腐
🔸魚湯鮮腐竹浸時蔬
🔸京滬擔擔麵
淨係睇到呢個長長嘅餐單
都已經覺得好抵食！
以午市套餐嚟講，實在係太豐富
而且每人只係百幾蚊
就有片皮鴨、小籠包食
超值！
🔸京滬香酥烤鴨(半例）
北京烤鴨即係我哋平時食嘅片皮鴨，半例份量都好多！
呢度嘅烤鴨以皮肉分離嘅形式上枱，食嘅時候可以先將頭四片沾砂糖食，其餘就用薄餅皮在點上甜醬，再加上蘿蔔絲、大蔥絲等配料包住一齊食。
最後鴨腿可以將蒜蓉釀入皮同肉之間拎住黎食，享受另一種風味。
🔸招牌小籠包
小籠包超多汁，一口咬落去真係會有爆汁嘅感覺
🔸魚子醬燒賣
燒賣嘅蝦肉爽甜，加埋魚子醬真係倍加高貴嘅感覺
🔸芝土脆蝦卷
芝士脆蝦卷用咗雪茄嘅造型，啡色嘅外皮包着芝士同埋蝦肉，滿滿嘅芝士雖然冇拉絲，但係芝士味濃郁
🔸京滬香蔥煎餅
呢個香蔥煎餅，外層非常之香脆，一定要趁熱食
🔸花雕醉雞
醉雞嘅味道偏甜，有陣陣嘅桂花香氣，食落有層次感，唔會剩係得陣酒味
🔸家常紅燒豆腐
紅燒豆腐嘅醬汁香濃，加上甜椒嘅味道，都唔錯
🔸魚湯鮮腐竹浸時蔬
呢個白菜仔係成個套餐有畫龍點睛嘅作用，前面食完幾道濃味嘅菜式，最後有一道比較清淡嘅魚湯白菜仔，可以解油膩，編排上非常唔錯
🔸京滬擔擔麵
套餐嘅主食唔係跟白飯咁普通，而係佢哋嘅特色擔擔麵，擔擔麵每碗都份量十足，鋪滿肉碎同埋花生碎，再加上佢哋嘅醬汁，帶微辣之餘又非常惹味
張貼
