影片
更多
2021-06-15
1298 瀏覽
終於嚟到聞名不如見面嘅大班樓久仰久仰😆 一嘗做大班嘅感覺😂大概兩個月前book 我話是但一日最快有位，就book到端午節呢一日都算好彩☺️聽講話而家book嗰啲就要等到下年一場嚟到呢個全亞洲排名第一嘅餐廳（頭50名）點都要試吓啲特色野，所以我留咗幾個餸，係會貴少少，不過第一次嚟，而且咁難先book到位，覺得應該食啲特別啲嘅，出邊食唔到嘅嘢，有啲特色餸菜係要去之前WhatsApp佢哋留嘅，所以就叫咗以下呢啲。- 雞油花雕花蟹配陳村粉,$850- 剁椒龍躉魚頭,$880- 蟹肉蒸糯米飯$960- 乳鴿$168我去之前就留咗上面嗰啲餸菜去到之後再叫咗- 話梅肉桂糖醋排骨- 臭豆腐- 白粥 （佢嘅白粥好綿好正）招牌菜花雕蟹配陳村粉真係好好食，都算幾驚為天人，花雕酒好香，完全冇苦澀味，呢個汁加埋陳村粉真係一絕，呢個真係必叫。仲有呢個剁椒龍躉魚頭，餐牌上邊冇嘅，我嘅好識食嘅foodie 網友 @justatinhaufoodie 推介我，果然冇介紹錯，😋龍躉魚頭半個份量都好多，感覺到好多骨膠原😂剁椒整成嘅汁有啲川菜味道，但係又唔係好辣，叫咗個白粥撈埋個汁真係好正，不過我本人就覺得可以再辣少少同埋再濃
久仰久仰😆 一嘗做大班嘅感覺😂
大概兩個月前book 我話是但一日最快有位，就book到端午節呢一日
都算好彩☺️
聽講話而家book嗰啲就要等到下年
一場嚟到呢個全亞洲排名第一嘅餐廳（頭50名）點都要試吓啲特色野，所以我留咗幾個餸，係會貴少少，不過第一次嚟，而且咁難先book到位，覺得應該食啲特別啲嘅，出邊食唔到嘅嘢，
有啲特色餸菜係要去之前WhatsApp佢哋留嘅，
所以就叫咗以下呢啲。
- 雞油花雕花蟹配陳村粉,$850
- 剁椒龍躉魚頭,$880
- 蟹肉蒸糯米飯$960
- 乳鴿$168
我去之前就留咗上面嗰啲餸菜
去到之後再叫咗
- 話梅肉桂糖醋排骨
- 臭豆腐
- 白粥 （佢嘅白粥好綿好正）
招牌菜花雕蟹配陳村粉真係好好食，都算幾驚為天人，花雕酒好香，完全冇苦澀味，呢個汁加埋陳村粉真係一絕，呢個真係必叫。
仲有呢個剁椒龍躉魚頭，餐牌上邊冇嘅，我嘅好識食嘅foodie 網友 @justatinhaufoodie 推介我，果然冇介紹錯，😋龍躉魚頭半個份量都好多，感覺到好多骨膠原😂剁椒整成嘅汁有啲川菜味道，但係又唔係好辣，叫咗個白粥撈埋個汁真係好正，不過我本人就覺得可以再辣少少同埋再濃味d.
櫻花蝦蟹肉糯米飯，呢個都係off menu菜式，見到有其他foodie推介好吸引，如果未試過又唔介意價錢，幾值得試吓，佢整得好好食，好多蟹肉，唔算好油膩，份量好多，我再加埋個魚嘅剁椒汁更加㘃味，不過就真係貴咗少少，同埋始終糯米飯食完覺得好飽好滯，所以下次就未必會揀佢，可能寧願揀返普通炒飯，因為見到隔離枱食都好似好正😆
乳鴿我就覺得普通啦，好重煙熏味，都好食嘅，不過就冇咁特別。
臭豆腐好香脆可口，正常發揮，不過我都係鍾意街邊嗰隻風味多啲，呢個就唔係好臭😂
話梅骨炸得好酥脆，味道香甜，如果覺得爭咁個肉都可以叫。
最後我加咗杞子雪糕做甜品，好重奶味，所以我覺得好好食。
因為叫咗幾個比較貴嘅餸，所以四個人食最後每人大概$1000，以呢啲菜式同埋質素，份量來講我覺得可以接受。（糯米飯仲打包添🕺🏼）
不過平有平叫，如果唔想食咁貴，可以照叫嗰隻必食蟹，然後其他餸就可以叫啲家常小菜，應該$500-$700 左右一位都做到。
整體來講，大班樓係高質嘅，服務真係好好，全部店員都好有善細心，同埋好專業。
呢一餐好滿足，冇令我失望。
不過我覺得講到話亞洲第一又有少少誇張。可能因為我自己始終唔係最鍾意食中餐，所以我冇覺得好食到人仰馬翻嗰隻感覺😂
不過確實係值得一試。
希望想試吓嘅你都book到位啦☺️
張貼
