掌壽司 (已結業)

收工想搵個地方同同事聚下舊，然後去到觀塘工廈搵嘢食。而家觀塘工廈都多咗好多嘢食，喺地鐵站附近，食過掌壽司幾次，質素都非常唔錯，環境非常舒服優雅。首先我哋揀咗一個二人套餐。上咗個前菜係人蔘果沙律。人蔘果好好食，好新鮮非常之健康好開胃。服務員態度好好然後再上左一個大刺身裏面有三文魚腩赤蝦油甘魚拖羅同兩隻非常新鮮嘅生蠔非常之鮮味然後再上咗壽司有池魚壽司、帶子壽司同海膽壽司就非常鮮甜美味。然後就上壽喜燒鍋物。壽喜燒配菜亦都好多，有我最鍾意嘅和牛同豚肉。肉類非常優質，然後配埋壽喜燒甜甜的鍋底，係冬天食鍋物最啱。鍋物材料亦都非常之健康，有南瓜金針菇冬菇腐皮同粉絲食到非常之飽，和牛再配埋日本生雞蛋液，非常之Creamy口感一流。然後鹽燒花魚，都相當唔錯。之後就到好開心時刻，芝麻雪糕，做咗一個happy ending。