Oui Oui Bistro (已結業)

呢度菜式選擇唔多，勝在食物質素高。先上咖啡Caramel latte甜度適中，泡沫綿滑，非常順口。Dark roast 咖啡豆香, 奶味濃郁。Lobster Egg benedicts龍蝦已脫殼，方便食用。有點炭燒風味，幾大隻，鹹度配合英式麵包一齊食剛剛好。英式麵包一切落去就知道唔係來貨，係自家製既，好鬆脆。中間 放滿菠菜，上面當然係流心既水波蛋。醬汁唔係傳統既荷蘭醬，佢係唔帶酸味，我好鐘意。 All Day Breakfast我叫咗個All day breakfast，煙肉蛋賣相一流，面頭上嘅香草、流心蛋黃配上煎煙肉好夾。薯角炸得好脆好香，條條都實心，食到薯仔香味而不帶油嘅味道。腸仔肉味都夠濃，配香草同蘑菇沙律，絕對唔會覺得膩。一定要讚嘅係個牛角包，口感鬆脆帶非一般嘅牛油嘅香味，唔會有一種乾嘅感覺，好食！整體兩樣All day breakfast，由擺碟到味道，都係超水準，食到清哂碟！