黨99 (已結業)

🐮安格斯牛扒 $168本身好想試和牛三文治😍 但係最衰我上次唔係星期六去，原來係星期六限定🙈所以就叫左安格斯牛扒～ 佢燒到medium rare 🤩 所以肉質好嫩，一啲都唔柴🥰 又juicy 又重牛肉味～自己覺得幾高質～ 🍆原條茄子 $52本身以為係嗰種好多孜然粉好重味嗰種，但呢隻完全唔係！🤩雖然自己本身麻麻地茄子，但我又覺得呢款燒茄子都幾岩我口味～感覺佢係用比較日式嘅方法去燒，所以就唔似平時食開嗰啲咁重口味～佢上面加左啲蔥花木魚碎去燒，所以其實都幾香幾惹味同埋唔會太漏～ 然後佢切到啲茄子好薄，入面啲茄子肉又好似腸粉咁滑，所以就算冇用好多香濃嘅調味料，佢都夠入味～🐔免治雞肉棒 $48呢個係見到人叫同埋自己未食過就叫左🤣 個口感都幾彈牙，其實有少少似雞肉丸但夾雜住啲雞軟骨咁樣，所以其實真係好有口感～ 然後加埋香甜嘅燒汁一齊食都幾match, 蘸上蛋黃就令到雞肉棒肉質口感更加滑溜😆🧡明太子飯團 $42呢個真係因為見到個樣先叫～🤩 第一次食炸飯團～佢出面炸到無油又勁脆口😆 食落真係脆卜卜有聲，口感其實好似鍋巴 飯焦咁😆個樣、口感，同味道都好特別～值得一試～其他黑豚肉、牛舌、同雞翼雞腎都燒到岩