SOUTH LANE (南里)

營業中

休息中

想試South Lane好耐，Menu選擇好多，最鍾意海鮮Laksa，估唔到海鮮份量咁多，最驚喜嘅係超級巨型嘅蜆，同有好多魚塊同蝦，staff話全部海鮮都係活撈，上枱之前仲游緊水，夠曬新鮮。Laksa非常香，椰汁同香料blend埋，超級惹味。蕃薯pancake比我想像中飽肚好多，一定要同frd share! 有三大塊，口感甜糯，食到蕃薯﹑花生香，配埋果醬同香蕉，唔會太甜，係健康又滿足嘅甜品。嗌咗杯好colourful嘅火龍果smoothie, 賣相好靚，打卡一流，水果打得細膩，加上少少椰子片，好多層次，味道好fresh。另外仲加咗三文魚同1/4烤雞，好少餐廳可以加三文魚做side, 三文魚鮮嫩，色澤靚，完全唔乾，而且都幾大塊。烤雞都鋪滿香料，夠入味。Overall所有嘢食嘢飲都好好味，質素好高，而且都比較健康。Café環境好靚，好多綠植點綴，係舒適嘅庭園風，同朋友傾計或者靜靜地做吓嘢都合適，見到隔離枱有幾個人都攞laptop做緊嘢，應該係work-friendly嘅café。