CHiLL-i (已結業)

今日同朋友去觀塘買嘢，經過駱駝漆大廈就諗住喺入面搵間cafe，坐低食個lunch。搵到呢一間Chill-i, 就嗌咗兩個lunch。 我嗌咗蒜辣欖油蜆仔扁意粉， 份量好多，上面嘅蜆都好多粒， 食落鮮甜唔會煮到乾，意粉都係表面有油份，食落去軟硬程度剛剛好， 蒜香同微微嘅辣慢慢滲出嚟。 另外配咗個薄荷青檸梳打， 好清新。朋友就叫咗個 bbq汁烤豬肋骨半燒粟米扭扭薯條。豬肋骨煮得好軟熟， 分量絕不欺場起碼，都有五六條嘅排骨， 而且味道一流，用叉輕輕一壓肉就脫離骨了，食落去鬆軟適中，bbq醬汁甜甜的加上 豬肉本身的肉汁香氣，令人回味無窮。 扭扭薯條份量都好多，還有半支烤粟米，都很香甜， 值得一讚。配嘅飲品係hazelnut latte，拉花好靚，咖啡味中間透著濃濃的榛子味，好飲。我哋兩個都將個lunch加多30蚊變做個set, 有一個好香嘅周打蜆湯，鮮甜蟹柳沙律， 幾粒嘅香脆炸豆腐，同埋食濃芝士蛋糕。 呢幾日食物質素都好高，所以值得加。