為食龍 (已結業)

今日出左中環，經過soho 扶手電梯見到呢間裝修幾特別嘅餐廳，同朋友入咗去食dinner。一入到間餐廳裝修好特別，好似入咗森林咁。入到去先俾個牌仔你然之後上一樓用餐。用餐地方樓底好高，樹林式裝飾，好夢幻🤩餐牌上了菜式都有啲玩味，因為我好鍾意食蟹，見到我個蟹蟹蟹。蟹子蟹膏燴飯，即刻點左。蟹蟹蟹。蟹子蟹膏燴飯個飯完全冇令我失望，係超級濃烈嘅蟹味，好似食緊蟹膏咁，當中好多蟹肉，超鮮甜！完全滿足到我嘅口味！明太子烏冬好creamy,明太子不會令你失望，有水準！日式炸豆腐呢個炸豆腐有驚喜，豆腐大大件，外脆，個頭腐滑到不得了！加上啲特製醬汁同紫菜絲，食過番尋味！