鮨竜 (已結業)

又約左靚太們去黃埔食Omakase，我地4人坐在吧枱欣賞師傅精彩手藝同刀功，而且師傅仲好細心介紹每道菜式、魚類，時令刺身、壽司等等。茶碗蒸蛋，石蓴菜(日本純菜)，香菇等製成，蛋味濃郁又好滑溜，最面層透明嘅係石蓴菜，食落滑嘟嘟，幾得意。刺身四款食刺身都有學問，師傳講解有先後次序黎食帆立貝 - 鮮甜同肉厚實間八魚 - 鮮美之餘仲肥而不膩長歧縣拖羅 - 肉質粉紅，口感柔軟，肉質鮮美，入口即溶銀雪魚 - 輕輕炙燒，魚味濃郁鮮甜，油份重但不膩旨煮螺🐚用上日本清酒、醬油、糖等烹調，螺肉比較甜嫩Q彈，味道除左有酒香味，仲很濃郁。6款壽司壽司飯用了三種赤醋飯，混合了5種米，其中一款米係越光米，感覺黏口。🍣烏賊壽司 - 接近透明狀，烏賊上面仲有特製肝醬，有脆感。🍣深海池魚壽司 - 肉質鮮嫩肥美，脂厚油香。🍣炙燒鱸魚壽司 - 岩夏天食，肉質結實，上面仲加了右口魚邊嫩滑甘香。🍣赤貝壽司 - 呈橙紅色、帶光澤，食落肉質爽厚，鮮味十足。🍣海膽壽司 - 而家係當造季節，新鮮鮮甜好creamy。🍣中拖羅壽司 - 配了紫蘇葉而且醬油淺漬。🟡江戶前玉子燒 蛋漿加入魚肉、蝦肉等食材，帶有焦香味，軟綿蓬鬆，仲有鮮味添。海鮮