影片
更多
2024-02-09
13 瀏覽
🍣 鮨宏 (北角) 📍今次嚟到北角食omakase，我見都幾full booking吓，期待咗好耐😍，今日終於食到啦🥳。🍽️ 宏 —— 全23品 $1800 嗰師父好健談同好nice🤩，喺每一品前面都會介紹係咩同點食👅，因為太好食同掛住吹水，有幾品我唔記得咗影獨照。🙈一開始會有4款前菜放喺側邊，俾你開胃同食到中間解膩😙，入面有牛蒡、醃菜等等；而佢每一品，都會揀返當造嘅食材再作出配合🫱🏻🫲🏼。一開始就有兩塊超肥美嘅北海道野生油甘魚刺身🫧。然後就係超大隻嘅小長井蠔🦪，食落好清甜同爽口，再配合返有少少蕃茄醬喺上邊🍅，增加咗酸味味嘅味道，成件事層次好豐富。之後就係櫻煮八爪魚🐙，食落超淋身，唔會好煙靭，同時亦都會保留到咬口。嗰香箱蟹蓋🦀，好貼心咁拆晒啲肉，食落淡淡都係蟹肉同埋蟹膏🤤，仲有加到啲酸醋同埋花瓣🌸增加咗成個口感。磯煮鮑魚，係用鮑魚肝醬煮新鮮鮑魚，識落勁惹味😋，下面再配醋飯🍚，balance返肝醬嘅濃味，最後食埋塊金蓮葉🌱，口入面多返重清新嘅感覺，師傅好巧妙咁運用食材，將佢哋配合到極致⚖️。壽司八貫🍣全部壽司都係當做嘅，分別有九州池魚、 鰤魚、平靜魚、北海道帶子、黑鯥、中拖羅、大拖羅、
今次嚟到北角食omakase，我見都幾full booking吓，期待咗好耐😍，今日終於食到啦🥳。
🍽️ 宏 —— 全23品 $1800
嗰師父好健談同好nice🤩，喺每一品前面都會介紹係咩同點食👅，因為太好食同掛住吹水，有幾品我唔記得咗影獨照。🙈
一開始會有4款前菜放喺側邊，俾你開胃同食到中間解膩😙，入面有牛蒡、醃菜等等；而佢每一品，都會揀返當造嘅食材再作出配合🫱🏻🫲🏼。
一開始就有兩塊超肥美嘅北海道野生油甘魚刺身🫧。
然後就係超大隻嘅小長井蠔🦪，食落好清甜同爽口，再配合返有少少蕃茄醬喺上邊🍅，增加咗酸味味嘅味道，成件事層次好豐富。
之後就係櫻煮八爪魚🐙，食落超淋身，唔會好煙靭，同時亦都會保留到咬口。
嗰香箱蟹蓋🦀，好貼心咁拆晒啲肉，食落淡淡都係蟹肉同埋蟹膏🤤，仲有加到啲酸醋同埋花瓣🌸增加咗成個口感。
磯煮鮑魚，係用鮑魚肝醬煮新鮮鮑魚，識落勁惹味😋，下面再配醋飯🍚，balance返肝醬嘅濃味，最後食埋塊金蓮葉🌱，口入面多返重清新嘅感覺，師傅好巧妙咁運用食材，將佢哋配合到極致⚖️。
壽司八貫🍣
全部壽司都係當做嘅，分別有九州池魚、 鰤魚、平靜魚、北海道帶子、黑鯥、中拖羅、大拖羅、牡丹蝦。
食落去大部份都好清甜，而當中黑鯥有炙燒過🔥，油脂好香；而拖羅亦都好淋身；當中最特別嘅係牡丹蝦，上邊會放埋蝦膏，成個口腔都係濃郁嘅蝦味🦐。
之後仲有兩排北海道海膽，一口過，滿滿嘅海膽，鮮甜味完全喺厚度爆發晒出嚟。🎉
嗰大拖羅，油脂含量勁高，再加上有火炙嚟，配埋細蔥，入口即溶，勁滿足😻。
茶碗蒸🥚，食落超滑身，除咗有三文魚籽之外，入邊仲有魚肚🐟等等嘅材料。
最後有嗰清啲嘅昆布湯🥣，做一個收尾。
之後就係甜品時間🍰，分別有芝士蛋糕、橙果凍同宇治抹茶mousse，全部都係自家製作👍🏻。
師傅話個橙果凍，係將新鮮嘅橙榨汁🍊，再整成，食落好濃郁，橙味同清新。而個mousse食落好滑身之餘，仲好濃抹茶味🍵。
整體嚟講，食完係超級飽，成個上菜嘅次序又或者食材嘅配搭，都睇到師傅用心嘅地方🌟。
鮨宏 (北角)📍 @hiroomakase
北角渣華道8號威邦商業中心地下13號舖
張貼
