勝手 (已結業)

今日約左朋友係銅鑼灣食lunch，行行下街發現左呢間餐廳係巷仔，雖然位置有d偏，但估吾到質素幾好，set lunch又有quality。餐廳有居酒屋感覺，放滿酒，又有bar枱，有feel。望到餐牌，就知揀岩餐廳，樣樣都想食。叫左2個set lunch之後，就有水果沙律，麵豉湯同小食。沙津好fresh，d菜新鮮吾會苦，而橙好甜，好開胃。小食有茄子，醃得好入味，加埋木魚，好食。另一個小食係南瓜，都好甜。麵鼓湯又有蕃茄、金菇同豆腐，煮得好好味，咸味適中。我叫左安格斯牛扒照燒定食，原來份量幾多。真係燒得好令，吾會熟哂，薄切，好送飯。好香牛味，有少少油脂配埋肉，好岩食。朋友叫左豚肉生薑燒定食，好大碗，豚肉份量都好多。豚肉好入味，重有洋蔥金菇配飯，正！最後重有甜品，今餐真係好滿足。