喰楽

營業中

休息中

今日同朋友慶祝生日，預早就book好呢間餐廳，第一次食sukiyaki，我哋都好期待我哋揀咗C餐和牛盛宴，一次過品嚐赤身和牛及霜降和牛。估唔到前菜已經有驚喜！前菜係三小碟，包括生牛肉壽司，吉列和牛同埋沙律菜。生牛肉壽司賣相已經好吸引，食落口係入口即溶，超正接住店員就遞上野菜拼盤，有多款蔬菜，七彩繽紛，賣相好靚。店員亦好細心問我哋有冇唔食嘅菜。好快主角亦都出場，就係呢盤油花超靚嘅牛肉！呢個畫面真係靚到不得了，見到都流口水呢盤牛肉真係唔簡單，一次過試晒唔同嘅部位，包括肉眼、肩胛心、沙巴當、牛肩、辣椒仔，款款都超高質，非常軟嫩，肉味同油脂都好豐富。當然唔少得有白飯同生雞蛋🥚同牛肉係絶配！全程都由店員為我哋即席烹調，肉類同菜相間咁煮，一面煮嘅同時，一面為我哋介紹唔同款式嘅牛肉，令我哋更專業地品嚐美食。之後店員就為我哋煮咗一個濕炒飯，香氣十足，食完真係飽到上心口。最後仲有豆腐味雪糕做甜品，好香濃嘅豆味，唔會太甜，清新美味。