影片
更多
2022-01-17
61 瀏覽
新蒲崗近四美街五芳街原來有間隱蔽cafe，入到去空間好大 好多個卡位坐得好舒服～ 正餐選擇好多 亦都有多款甜品同特色咖啡，啱晒同朋友傾一個下晝！Weekend Brunch Menu朋友揀左蒲燒鰻魚飯$98～ 有大半隻碟咁長咁大條 個溏心蛋好流心同濃味撈飯好正 旁邊仲有冬菇🍄我就點左烤慢煮BBQ豬肋排$128跟意粉，ribs既份量都算多有6-7條，可惜調味重手左食到後面都頗鹹 意粉反而就唔多如果唔係都可以配埋一齊食除左主菜都包左一人一碗羅宋湯同埋一片蒜蓉包～套餐整體性價比都算唔錯～另外飲品方面試左Rose Latte $42 凍飲唔洗額外加錢，估唔到唔會偏甜反而都幾苦咖啡都濃味，有d可惜面頭既奶泡好快就消失左朋友杯棉花糖泡泡咖啡$48都好signature，冇得揀凍熱，default左微凍，面頭有好多cream同兩大粒輕輕烘過既棉花糖 好意外地唔會太甜 都唔錯而甜品方面有Tiramisu Waffle $88 一細杯仔提拉米蘇上面插左整舊窩夫🧇 賣相好特別啱晒打卡 cream都夠滑但食得多偏膩 原來濃縮咖啡係晒底 所以後面會偏苦相反我比較鍾意焦糖香蕉waffle $78 窩夫熱辣辣上面
Weekend Brunch Menu朋友揀左蒲燒鰻魚飯$98～ 有大半隻碟咁長咁大條 個溏心蛋好流心同濃味撈飯好正 旁邊仲有冬菇🍄
我就點左烤慢煮BBQ豬肋排$128跟意粉，ribs既份量都算多有6-7條，可惜調味重手左食到後面都頗鹹 意粉反而就唔多如果唔係都可以配埋一齊食
除左主菜都包左一人一碗羅宋湯同埋一片蒜蓉包～
套餐整體性價比都算唔錯～
另外飲品方面試左Rose Latte $42 凍飲唔洗額外加錢，估唔到唔會偏甜反而都幾苦咖啡都濃味，有d可惜面頭既奶泡好快就消失左
朋友杯棉花糖泡泡咖啡$48都好signature，冇得揀凍熱，default左微凍，面頭有好多cream同兩大粒輕輕烘過既棉花糖 好意外地唔會太甜 都唔錯
而甜品方面有Tiramisu Waffle $88 一細杯仔提拉米蘇上面插左整舊窩夫🧇 賣相好特別啱晒打卡 cream都夠滑但食得多偏膩 原來濃縮咖啡係晒底 所以後面會偏苦
相反我比較鍾意焦糖香蕉waffle $78 窩夫熱辣辣上面既香蕉有砂糖微焦 加埋旁邊既cream襯托到窩夫既蛋香味 口感偏脆身 唔係好厚好煙韌個款
甜品類推介大家試下窩夫！好似仲有蛋糕同烤棉花糖～
張貼
