新竹園軒

營業中

休息中

椒鹽富貴蝦🦐呢個係瀨尿蝦，好大隻，手掌咁大隻，蝦肉好鮮嫩，仲有蝦膏添，椒鹽蓋滿瀨尿蝦，食到蝦膏添，香濃惹味！椒鹽鮮魷🦑鮮魷好彈牙，好咸香，鮮魷既咸鮮味同椒鹽好夾，被椒鹽帶出鮮魷既咸香，鮮魷爽彈鮮嫩，一條條魷魚身魷魚鬚好惹味好有口感！金針雲耳蒸雞🐣雞肉蒸完都唔會鞋口，仲係嫩滑既，仲有啲肉汁，雞肉好鮮好香，亦都吸收曬汁既香味，雲耳同金針都好吸汁，味道好濃，送飯就岩晒啦！鹹魚蓉煎肉餅🐷煎肉餅筆嬲都好食既，肉餅用半肥瘦豬肉，更加滑身，豬肉本身有醃過已經好香，加埋鹹魚既咸香，味道更突出更濃烈，煎到表面香脆，非常惹味！