八方棧

營業中

休息中

假日去咗間茶樓試咗佢哋嘅兩人份點心，真係好啱兩個人一齊享受。每款點心都有兩件，所以可以試多啲款式。我哋叫咗7款兩人份點心。木魚花蝦膠釀茄子🍆茄子鮮嫩同蝦膠彈牙。水晶蝦餃皮透晶瑩，蝦肉鮮嫩多汁，皮薄餡靚。羊肚菌燒賣熱辣辣好味道！京滬千秋小籠包湯汁鮮美。上海生煎包包皮酥脆，餡料鮮嫩多汁，每一口都好豐富嘅口感。蘿蔔絲酥餅呢款點心擺盤好有心思，整個酥餅好似一個蘿蔔咁，外層酥脆，內層蘿蔔絲鮮甜可口。開心果蛋撻皮酥脆，內裡蛋液濃郁，加埋開心果嘅香氣，口感更出眾。除咗兩人份點心，我哋仲叫咗其他點心，包括北京水餃、沙爹金錢肚、鮮竹滑牛肉球同紅燒妙齡乳鴿。北京餡料豐富，每一口都充滿了鮮美的肉汁。沙爹金錢肚搭配特製的沙爹醬汁，口感爽脆，帶有微辣的風味。鮮竹滑牛肉球口感滑嫩。紅燒妙齡乳鴿外皮脆脆，好香口。