影片
更多
2019-07-10
787 瀏覽
今晚出遠少少黎到銅鑼灣進駐多間餐廳既百樂中心，朋友推薦的chez bistro 黎個 4 course dinner.4 course 有頭盤，湯，主菜同甜品，價位$390包晒所有野連飲品真係好抵，所以本身以為質素一般，但估唔到全部野食同服務都咁高質。首先講左服務先，每轉一個 course 一定換餐具，碟，醬料會問左先加落碟，而且 waitress 好有禮貌。其次環境顏色很舒服，枱也不會排得太密，同朋友聚會有基本私隱空間，而且值得一提兩間女廁很干淨衛生。到重點講番野食，頭盤我哋兩個人分別揀左：法國生蠔海鮮拼盤，本人平時少少腥都接受唔到，但樣樣都好新鮮冇腥味好驚喜，蠔似係法國，好重海水同蠔味，就咁加檸檬汁已提鮮到。玫瑰蝦刺身同北海道帶子極大隻又甜美。翡翠螺好似已起左條尾，食得好干淨。香煎法國放養鵝肝配焦糖蘋果，砵酒汁完美融合到蘋果既香甜同外脆內軟既鵝肝甘香，黑松露味黑醋醬配生菜很合胃口。澳洲葫蘆瓜忌廉湯，waitress 會問加唔加黑椒，我呢啲重口味既實要啦，湯身thick & rich ，忌廉極重，平時中意飲南瓜湯既人會好鍾意😋主菜出場： 炭燒澳洲和牛扒，我哋揀隨 medium rar
4 course 有頭盤，湯，主菜同甜品，價位$390包晒所有野連飲品真係好抵，所以本身以為質素一般，但估唔到全部野食同服務都咁高質。
首先講左服務先，每轉一個 course 一定換餐具，碟，醬料會問左先加落碟，而且 waitress 好有禮貌。
其次環境顏色很舒服，枱也不會排得太密，同朋友聚會有基本私隱空間，而且值得一提兩間女廁很干淨衛生。
到重點講番野食，頭盤我哋兩個人分別揀左：
法國生蠔海鮮拼盤，本人平時少少腥都接受唔到，但樣樣都好新鮮冇腥味好驚喜，蠔似係法國，好重海水同蠔味，就咁加檸檬汁已提鮮到。
玫瑰蝦刺身同北海道帶子極大隻又甜美。翡翠螺好似已起左條尾，食得好干淨。
香煎法國放養鵝肝配焦糖蘋果，砵酒汁完美融合到蘋果既香甜同外脆內軟既鵝肝甘香，黑松露味黑醋醬配生菜很合胃口。
澳洲葫蘆瓜忌廉湯，waitress 會問加唔加黑椒，我呢啲重口味既實要啦，湯身thick & rich ，忌廉極重，平時中意飲南瓜湯既人會好鍾意😋
主菜出場：
炭燒澳洲和牛扒，我哋揀隨 medium rare 非常嫩滑有肉味，擺盤亦很有心，蕃茄，薯 tart ,豆角都烤過，想食更重牛味可淨加粉紅鹽調味。
炭燒西班牙黑豚豬架，很甘香的豬肉，食出了炭燒風味，值得一讚係粟米甜甜的。
甜品：
法國蜜瓜很大蜜瓜香，追得上日本蜜瓜那份香氣，點缀的芒果汁也不兒戲,出自台灣愛文芒，荔枝雪芭很快熔但好重清香既荔枝味，啖啖大自然的感覺。
台灣愛文芒配雲尼拿籽3.6牛奶布甸，比酒店出品更出色，比日本牛奶布甸更香濃的奶甘香。
呢個4 course dinner 係我入黎時意想不到的完美，無咩可以挑剔，相信好快有下次。
張貼
