佐賀燒肉谷 (雅蘭中心)

營業中

休息中

日本燒肉永遠都係我最愛嘅菜式，食幾多次都唔會厭。而佐賀燒肉谷都算係我去過咁多間香港嘅燒肉店其中一間好值得再encore嘅餐廳。 餐廳有4款價錢嘅套餐，今次我哋揀咗最貴嘅Lv4- 日本佐賀A4和牛海鮮放題，有140款食品，又有免費Sapporo生啤加清酒，movenpick雪糕，可以任飲任食120分鐘。 首先職員先送上第一輪燒肉， 用個木盒裝住，有佐賀A4和牛小排、佐賀A4和牛牛肋條、究極佐賀和牛三角嫩肌、佐賀A4和牛薄炙牛肋肉、佐賀A4和牛肩胛、佐賀A4和牛角切，款款望落都咁靚，肉質嫩滑，油脂感重，有入口即溶嘅感覺。不過個人比較鍾意食佐賀A4和牛小排同埋究極佐賀和牛三角嫩肌，肉質係咁多款入面最嫩身嘅，所以我哋都係主力食呢幾款。另外職員仲送上鎮店之選煙燻壺漬封門柳（醬油味），肉質鬆軟，而且牛肉味極為濃郁。 除咗和牛，亦都有豚肉🐷、雞肉、海鮮、沙律、日式料理、蔬菜、飯麵湯等可以自己喺QR code度落單。 呢度啲海鮮都非常新鮮，最值得大家叫一定係燒日本原隻生蠔。生蠔2-3月係最盛產嘅時候，隻隻都好似手掌咁大，鮮甜肥美。 另外鮑魚都好新鮮大隻，口感彈牙，最重要刷得好乾淨，令客人好放心食用。