影片
更多
2023-10-21
22 瀏覽
放假前夕去左位於洗衣街既 #tunedcoffee門前既打卡位放左數盆植物🌵🌿，吸引唔少食客打卡📸。餐廳裝潢簡單，以白色為主，環境唔算大，但有落地玻璃窗同埋高樓底襯托，感覺都幾舒服。好彩同朋友早入去，過左一陣已經勁多人排隊。🥗無花果合桃石榴果黑醋沙律 $80大大碗，顏色非常鮮豔。沙律菜爽脆，加入香脆合桃、酸甜石榴果肉、清甜無花果同黑醋汁撈均，酸酸地，好清新。🐮慢煮黑蒜牛面肉燉意大利飯 $118意大利飯口感細膩，有嚼勁不軟爛，濕潤又不黏膩，口感creamy，啖啖都充滿香濃既忌廉味。慢煮黑蒜牛面肉超級軟嫰，腍既程度係唔點洗咬就已經吞到。泰式鮮蝦忌廉冬陰功扁意粉 $98冬陰功加忌廉，泰式同西式互相融合，味道相當夾。意粉非常之掛汁，味道較酸唔辣，貼近香港人口味，刺激味蕾，愈食愈開胃。鮮蝦都好彈牙爽口😋。🍵抹茶鮮奶 $40拉花好靚，抹茶味濃郁回甘，唔太甜。焙茶鮮奶 $45呢杯反而有驚喜，焙茶味都幾濃郁，好飲。🍌焦糖香蕉貝殼窩夫 $105貝殼窩夫外形好得意。外面微脆，內裏就十分鬆軟， 而且蛋味夠香，口感有啲似蛋糕仔。香蕉面燒左一層薄薄既焦糖，口感脆卜卜。沾埋吉士醬加雲尼嗱雪糕一齊食，更加滋味。
門前既打卡位放左數盆植物🌵🌿，吸引唔少食客打卡📸。
餐廳裝潢簡單，以白色為主，環境唔算大，但有落地玻璃窗同埋高樓底襯托，感覺都幾舒服。
好彩同朋友早入去，過左一陣已經勁多人排隊。
🥗無花果合桃石榴果黑醋沙律 $80
大大碗，顏色非常鮮豔。沙律菜爽脆，加入香脆合桃、酸甜石榴果肉、清甜無花果同黑醋汁撈均，酸酸地，好清新。
🐮慢煮黑蒜牛面肉燉意大利飯 $118
意大利飯口感細膩，有嚼勁不軟爛，濕潤又不黏膩，口感creamy，啖啖都充滿香濃既忌廉味。慢煮黑蒜牛面肉超級軟嫰，腍既程度係唔點洗咬就已經吞到。
泰式鮮蝦忌廉冬陰功扁意粉 $98
冬陰功加忌廉，泰式同西式互相融合，味道相當夾。意粉非常之掛汁，味道較酸唔辣，貼近香港人口味，刺激味蕾，愈食愈開胃。鮮蝦都好彈牙爽口😋。
🍵抹茶鮮奶 $40
拉花好靚，抹茶味濃郁回甘，唔太甜。
焙茶鮮奶 $45
呢杯反而有驚喜，焙茶味都幾濃郁，好飲。
🍌焦糖香蕉貝殼窩夫 $105
貝殼窩夫外形好得意。外面微脆，內裏就十分鬆軟， 而且蛋味夠香，口感有啲似蛋糕仔。香蕉面燒左一層薄薄既焦糖，口感脆卜卜。沾埋吉士醬加雲尼嗱雪糕一齊食，更加滋味。
張貼
