The Pantry Club

營業中

休息中

今日去啟德體育園行吓，佢地嘅零售館都幾多食肆，行過呢間裝修得好grand嘅西餐廳，睇睇餐牌，價錢唔算太貴，就入去試吓。Fried Wings炸到外皮脆卜卜嘅雞翼，入面仲好juicy好嫩 配埋牧場沙律醬同埋咖哩沙律醬，有2個風味，都唔錯。Iron Grilled Flank Steak牛排要咗7成熟，賣相非常靚，完全冇overcook,食落牛味好重，都好淋滑，配埋佢地嘅香蒜青醬同燒汁，都幾惹味。佢地嘅炸薯條都好出色，即叫即炸，外脆內軟，好味。Maple Bacon Cheese Burgers呢個漢堡個size都幾大，入面嘅漢堡排係用安格斯牛肉整成，食落好juicy, 而佢嘅楓葉醬煙肉，煎到好香，脆卜卜配埋芝士同生菜蕃茄，呢個漢堡勁豐富。Cheesecake waffle house窩夫外面鬆脆，入面軟淋淋，窩夫中間夾住佢地自家制芝士蛋糕，勁好味， 仲有焦糖香蕉同埋雪糕雪糕，食完呢個甜品勁滿足。